Cobrarase próximamente a taxa pola subministración de auga, canon da auga e sumidoiros do concello de A Bola. O prazo de pagamento en período voluntario terá lugar desde o día 29 de abril de 2022 ao 30 de xuño de 2022.
Os/as contribuíntes recibirán no seu domicilio os impresos dos recibos-resgardo de pagamento, que deberán aboar en calquera oficina de Abanca, Banco Pastor, Banco Popular, BBVA, Banco Santander, Banco Sabadell/Gallego, Caixabank (entidades colaboradoras) ou en calquera oficina da Sociedade Estatal de Correos e Telégrafos no prazo antes mencionado desde o día 29 de abril de 2022 ao 30 de xuño de 2022, en días hábiles, no horario establecido polas entidades ou pola Sociedade Estatal de Correos e Telégrafos. Se algún contribuínte non recibe no seu domicilio os referidos impresos, poderá solicitar duplicado nas oficinas de Recadación desta deputación, e advírtese de que o feito de non recibiren os impresos non exime da obrigación de efectuar o pagamento no prazo mencionado, sempre que figure como contribuínte nas listas cobratorias. Para a validez do pagamento, os impresos deben estar referendados por impresión mecánica ou sinatura autorizada da correspondente oficina da entidade bancaria.
O anuncio de cobro destas taxas está publicado no BOP de Ourense de hoxe día 28 de abril: https://bop.depourense.es/portal/descargarPdf.do?numBoletin=96&fecha=20220428
O martes 19 e mércores 20 de abril estará na zona de aparcamento do concello de A Bola unha unidade móbil da empresa «Carglass» que ofrecerá tratamento antimosquitos e antichuvia de xeito gratuito para todos os vehículos que se acheguen en horario de 10h. a 14h. Non é necesaria cita previa.
Sendo conscientes do incremento deste gasto dentro dos nosos fogares e da incertidume e descoñecemento que moita xente ten de parte dos conceptos que veñen reflectidos na actual factura da luz, esta sesión formativa e informativa levada a cabo por un profesional experto no sector trataremos de axudar a aquelas persoas que participen dela que poidan comprender con maior claridade a súa factura da luz, ademáis de poder esclarecer todas as dúbidas que ao respecto poida presentar. Ademáis, tamén se expoñerá o estado actual e previsto do mercado da electricidade (tarifas, taxas, modalidades…) e facilitará a quen asista para que poida axustar os servizos que ten contratados para os que realmente precisa e para o tipo de consumo que realiza. Haberá tamén un apartado específico para falar do Bono Social Eléctrico (en qué consiste, condicións para ser beneficiario/a e como solicitalo).
Levarase a cabo o martes día 26 de abril ás 10:30h. A sesión terá unha hora e media de duración, e as prazas son limitadas, sendo preciso realizar inscrición previa para poder participar (por teléfono chamando ao 988451293 ou 604037952, ou ben por correo electrónico: educacionfamiliar@concelloabola.gal)
Co fin de asegurar o disfrute das persoas maiores do seu tempo de ocio nunha contorna natural e saudable, a Consellería de Política Social oferta estadias de 5 días en réxime de aloxamento e pensión completa na residencia de tempo libre de Carballiño nas seguintes datas:
Primeira quenda: Do 2 ao 6 de maio (con entrada o día 2 para xantar e saída o día 6 despois de almorzar)
Segunda quenda: Do 9 ao 13 de maio (con entrada o día 9 para xantar e saída o día 13 despois de almorzar)
Terceira quenda: Do 16 ao 20 de maio (con entrada o día 16 para xantar e saída o día 20 despois de almorzar)
Os prezos establecidos por normativa son de 119,05 € por quenda e habitación dobre, e de 139,75 € por quenda e habitación individual.
As solicitudes deben dirixirse dende o centro sociocomunitario á Residencia de Tempo Libre do Carballiño ao seguinte enderezo de correo electrónico: rtlcarballino@xunta.gal .
As prazas cubriranse por riguroso orde de entrada de solicitudes na residencia de tempo libre. Una vez seleccionadas as persoas usuarias das estadías, o abonamento das estadías levarase a cabo previa liquidación do importe pola residencia.
A iniciativa da Xunta de Galicia «Coidados porta a porta» chegará ao concello de A Bola os días 13, 16, 18 e 19 de maio para ofrecer consultas de audioloxía, podolosía e estimulación da memoria. Un autobús estará ubicado no aparcamento da casa do concello para atender a aquelas persoas maiores de 55 anos que así o soliciten estes servizos consistentes en:
Servizo de podoloxía: Consultas básicas, valoración do estado xeral do pé, corte e limpeza de unllas, eliminación de durezas, callos e helomas.
Servizo de audioloxía: valoración e exploración da audición e prevención da pérdida auditiva.
Servizo de estimulación da memoria: Un profesional realizará unha valoración cognitiva e proporcionará pautas dende unha perspectiva terapéutica de cómo previr e aminorar un deterioro, en caso de habelo.
HORARIOS DOS SERVIZOS OFRECIDOS:
Servizo de podoloxía e audioloxía: de 9h. a 20h.
Servizo de estimulación da memoria: de 10h. a 18h.
Para poder ser atendido/a, DÉBESE PEDIR CITA PREVIA chamando ao teléfono 622 748 283 ou por correo electrónico: coidadosportaaporta@silman.es.
