OS «COIDADOS PORTA A PORTA» VOLTAN AO CONCELLO DE A BOLA

OS «COIDADOS PORTA A PORTA» VOLTAN AO CONCELLO DE A BOLA

A iniciativa da Xunta de Galicia «Coidados porta a porta» chegará ao concello de A Bola os días 1,2 e 5 de decembro para ofrecer consultas de audioloxía, podoloxía e estimulación da memoria. Un autobús estará ubicado no aparcamento da casa do concello para atender a aquelas persoas maiores de 55 anos que así o soliciten estes servizos consistentes en:

  • Servizo de podoloxía: Consultas básicas, valoración do estado xeral do pé, corte e limpeza de unllas, eliminación de durezas, callos e helomas.
  • Servizo de audioloxía: valoración e exploración da audición e prevención da pérdida auditiva.
  • Servizo de estimulación da memoria: Un profesional realizará unha valoración cognitiva e proporcionará pautas dende unha perspectiva terapéutica de cómo previr e aminorar un deterioro, en caso de habelo.

Para poder ser atendido/a, DÉBESE PEDIR CITA PREVIA chamando ao teléfono 622 748 283, o teléfono 623 546 992 ou por correo electrónico: coidadosportaaporta@silman.es.

Haberá esta vez unha charla informativa do servizo de podoloxía no primeiro día de servizo, o día 1 de decembro, e será ás 13h no local social de Veiga. A asistencia a esta charla é libre e non é preciso pedir cita previa para asistir.

MAGOSTO 2022: «II Festa de Exaltación da Castaña»

Este venres día 11 de novembro celebraremos novamente o noso esperado magosto, no que a partires das 18h. poderemos compartir dunha merenda con castañas, pan, chourizo e viño amenizada con espectáculos musicais e teatrais para todos os públicos. A Coral Municipal da Bola e os Amigos do Acordeón Terras de Celanova actuarán dende as 18h. ata as 19h, dando paso a unha obra de teatro infantil e familiar chamada «Xogar e Aprender en Galego Mola!», pertencente á oferta de espectáculos dentro do programa «falaRedes» da Rede de Dinamización Lingüística da Xunta de Galicia.

A entrada é gratuita para a veciñanza, e hai que anotarse previamente durante esta semana chamando ao concello (988451293) en horario de oficina (de 9 a 15h). Non faltedes!

OBRADOIRO CREATIVO DE TEATRO DE SOMBRAS

OBRADOIRO CREATIVO DE TEATRO DE SOMBRAS

Dende o vindeiro mércores día 9 de novembro o noso concello acollerá unha actividade novidosa e moi interesante: un obradoiro creativo de teatro de sombras! Neste obradoiro as crianzas de a partires de 6 anos de idade poderán aprender a crear dende cero un espectáculo de teatro de sombras da man da artista Valerie Lenders que será representado en aberto ao público xeral o día 4 de xaneiro, véspera de Reis.

Este obradoiro estará formado por 3 sesións os días 9 de outubro, 7 de decembro e 14 de decembro, e a hora de comezo será ás 16h. O lugar de realización será o local social de Veiga, as prazas son limitadas e serán cubertas por orde de inscrición.

Para inscribirse, contactar con Valerie (652948697) ou con Pamela (604037952) antes do martes día 8 de novembro.

Esta actividade é una iniciativa de A Casa Vella de Amiadoso que conta coa cofinanciación da Xunta de Galicia, o FSE e o Ministerio, e a colaboración do concello de A Bola.

«ESPAZO MEDRANDO XUNT@S»: SERVIZO DE ATENCIÓN Á INFANCIA E ADOLESCENCIA NO CONCELLO DE A BOLA

«ESPAZO MEDRANDO XUNT@S»: SERVIZO DE ATENCIÓN Á INFANCIA E ADOLESCENCIA NO CONCELLO DE A BOLA

O concello de A Bola poñerá en funcionamento a partires do vindeiro mes un servizo de atención á infancia e adolescencia para crianzas de ata 16 anos de idade de luns a venres en horario de tarde, para fomentar a conciliación das familias e tamén ofertar un servizo de calidade na atención aos/ás menores no que formentar o desenvolvemento da súa autonomía, as súas habilidades e reforzar coñecementos. Todas as persoas interesadas poden completar información e realizar as inscricións por correo electrónico (educacionfamiliar@concelloabola.gal) ou teléfono (988451293 – 604037952). AS PRAZAS SON LIMITADAS.

Esta medida é posible grazas á organización do concello de a Bola coa financiación recibida a través do Plan Corresponsables da Xunta de Galicia e o Ministerio.

AMPLIACIÓN DA BOLSA DE EMPREGO DO SAF DO CONCELLO

AMPLIACIÓN DA BOLSA DE EMPREGO DO SAF DO CONCELLO

Por Resolución da alcaldesa, do día 14 de xuño de 2022, aprobáronse as bases para a ampliación da bolsa de emprego de auxiliares para o servizo de axuda no fogar como persoal laboral temporal. A duración da bolsa de emprego será ata o 31/12/2022 e o prazo de presentación das solicitudes deberase facer nos cinco días hábiles seguintes dende hoxe que foi publicado este anuncio no Boletín Oficial da Provincia. Pódense presentar as solicitudes será no Rexistro Xeral do Concello, en horario de 9:00 a 13:00 horas, de luns a venres.

As bases da convocatoria pónse consultar xa presencialmente na casa do concello en horario de oficina e na sede electrónica do Concello da Bola (https://abola.sedeelectronica.gal).

AMPLIACIÓN DA BOLSA DE EMPREGO DO SAF DO CONCELLO

PRÓXIMO COBRO DE TAXAS

Cobrarase próximamente a taxa pola subministración de auga, canon da auga e sumidoiros do concello de A Bola. O prazo de pagamento en período voluntario terá lugar desde o día 29 de abril de 2022 ao 30 de xuño de 2022.

Os/as contribuíntes recibirán no seu domicilio os impresos dos recibos-resgardo de pagamento, que deberán aboar en calquera oficina de Abanca, Banco Pastor, Banco Popular, BBVA, Banco Santander, Banco Sabadell/Gallego, Caixabank (entidades colaboradoras) ou en calquera oficina da Sociedade Estatal de Correos e Telégrafos no prazo antes mencionado desde o día 29 de abril de 2022 ao 30 de xuño de 2022, en días hábiles, no horario establecido polas entidades ou pola Sociedade Estatal de Correos e Telégrafos. Se algún contribuínte non recibe no seu domicilio os referidos impresos, poderá solicitar duplicado nas oficinas de Recadación desta deputación, e advírtese de que o feito de non recibiren os impresos non exime da obrigación de efectuar o pagamento no prazo mencionado, sempre que figure como contribuínte nas listas cobratorias. Para a validez do pagamento, os impresos deben estar referendados por impresión mecánica ou sinatura autorizada da correspondente oficina da entidade bancaria.

O anuncio de cobro destas taxas está publicado no BOP de Ourense de hoxe día 28 de abril: https://bop.depourense.es/portal/descargarPdf.do?numBoletin=96&fecha=20220428