Chega o espectáculo infantil e familiar «Xogar e aprender en galego mola!» ao local social de Veiga

Chega o espectáculo infantil e familiar «Xogar e aprender en galego mola!» ao local social de Veiga

Este xoves día 1 de decembro ás 17h no local social de Veiga acolleremos por fin o espectáculo «Xogar e Aprender en Galego Mola!» que está dirixido a público infantil e familiar. A entrada é libre, non deixedes de asistir!

É un espectáculo incluído no Programa FalaRedes da Xunta de Galicia (Rede de Dinamización Lingüïstica)

PRESENTACIÓN DO LIBRO «A LISTA DA COMPRA» DE MARÍA BESTEIROS NA BIBLIOTECA MUNICIPAL

PRESENTACIÓN DO LIBRO «A LISTA DA COMPRA» DE MARÍA BESTEIROS NA BIBLIOTECA MUNICIPAL

O VINDEIRO MÉRCORES DÍA 30 DE NOVEMBRO ÁS 17H NA NOSA BIBLIOTECA MUNICIPAL TEREMOS O PRIVILEXIO DE ACOLLER A PRESENTACIÓN DO LIBRO «A LISTA DA COMPRA» DA MAN DA SÚA AUTORA, María Besteiros, CARACTERIZADA POR INTERESARSE NA ESCRITA DE MULLERES ANALIZADA DENDE A PERSPECTIVA FEMINISTA.

«A LISTA DA COMPRA» RECOLLE NAS SÚAS PÁXINAS O POBO DE MORGADE, UBICADO NO NOSO CONCELLO, E ACABA DE SER PUBLICADO NESTE ANO 2022.

NON PERDADES A OPORTUNIDADE DE ASISTIR A ESTA PRESENTACIÓN E COÑECER A ESTA AUTORA E ESTA SÚA OBRA RECENTE QUE XA FORMA PARTE DAS IMPRESCINDIBLES DA NOSA BIBLIOTECA

XORNADAS VIOLETAS PARA CONMEMORAR O 25 DE NOVEMBRO

XORNADAS VIOLETAS PARA CONMEMORAR O 25 DE NOVEMBRO

Este ano o concello da Bola lanza as Xornadas Violetas con motivo da conmemoriación do Día Internacional contra a Violencia de Xénero, abarcando unha actividade dirixida a mulleres adultas o mércores 23 ás 16h. e para crianzas o venres 25 ás 16:30h. O venres, propio día conmemorativo, farase campaña dende o concello para concienciar e sensibilizar sobre a temática acompañando coa entrega de material editado para a ocasión.

Para participar nas actividades ou ter máis información podese contactar por teléfono (988451293 ou 604037952) ou correo electrónico (educacionfamiliar@concelloabola.gal).

,concell

MAGOSTO 2022: «II Festa de Exaltación da Castaña»

Este venres día 11 de novembro celebraremos novamente o noso esperado magosto, no que a partires das 18h. poderemos compartir dunha merenda con castañas, pan, chourizo e viño amenizada con espectáculos musicais e teatrais para todos os públicos. A Coral Municipal da Bola e os Amigos do Acordeón Terras de Celanova actuarán dende as 18h. ata as 19h, dando paso a unha obra de teatro infantil e familiar chamada «Xogar e Aprender en Galego Mola!», pertencente á oferta de espectáculos dentro do programa «falaRedes» da Rede de Dinamización Lingüística da Xunta de Galicia.

A entrada é gratuita para a veciñanza, e hai que anotarse previamente durante esta semana chamando ao concello (988451293) en horario de oficina (de 9 a 15h). Non faltedes!

FESTA FAMILIAR DE SAMAÍN

FESTA FAMILIAR DE SAMAÍN

O vindeiro luns día 31 de outubro teremos no local social de Veiga a nosa festiña máis terrorífica do ano, a Festiña de Samaín á que poden vir crianzas e as súas familias para disfrutar con nós de variadas actividades relacionadas con esta festividade. A participación é de balde, soamente haberá que anotarse ata o día 28 (venres) contactando co concello por teléfono (988451293 – 604037952) ou correo electrónico (educacionfamiliar@concelloabola.gal). Esperámoste!

«PETISCOS DA LINGUA» PARA CRIANZAS

O vindeiro sábado día 8 de outubro ás 11:30h o Local Social de Veiga (baixo concello) acollerá a actuación de «Petiscos da Lingua», un espectáculo infantil que ten como finalidade dar a coñecer e fomentar a práctica de ditos e recitados da literatura popular infantil de Galicia no ámbito familiar e da veciñanza para contribuír á transmisión interxeracional da lingua. Mediante xogos verbais de participación, cancións, contos, monicreques e outros recursos, ofrécese dun xeito divertido unha escolma de ditos tradicionais como os recollidos na serie de vídeos realizada pola compañía Migallas Teatro dentro do Programa de Dinamización Lingüística «FalaRedes». A entrada é libre!