ACTIVIDADES LETRAS GALEGAS 2022

ACTIVIDADES LETRAS GALEGAS 2022

Con motivo da celebración do Día das Letras Galegas neste 2022 o concello de A Bola ofrecerá á veciñanza unha exposición interactiva sobre o autor homenaxeado, Florencio Delgado Gurriarán, e tamén actividades que misturarán as novas tecnoloxías con xogos para coñecer un pouco máis a este escritor.

A exposición, ubicada na pranta baixa do edificio da biblioteca, estará aberta dende hoxe día 9 ata o remate do mes o día 31, en horario de 9h. a 14h. (excepto os días 10, 12, 24 e 26 que estará aberta en horario de tarde, de 15h. a 20h.) e nela poderase facer un percorrido pola vida de Delgado Gurriarán, sabendo máis sobre a súa vida e obra, podendo ter acceso a códigos QR cos que se accederá a novos contidos relacionados. Esta exposición realízase coa colaboración da Consellería de Dinamización Lingüística e da Biblioteca Municipal.

A actividade do día 24 de maio será realizada na Aula CeMIT municipal (sita no edificio da biblioteca) e está dirixida a crianzas e tratará de facer que a través de xogos e actividades realizadas cos ordenadores poidan coñecer un pouco máis a Florencio Delgado Gurriarán de xeito lúdico.

O acceso á exposición interactiva é libre, e para a actividade do día 24 é preciso inscrición previa por teléfono (988451293 ou 604037952) ou por correo electrónico (biblioteca@concelloabola.gal) xa que as prazas son limitadas.

ENTENDENDO MELLOR A FACTURA DA LUZ

ENTENDENDO MELLOR A FACTURA DA LUZ

Sendo conscientes do incremento deste gasto dentro dos nosos fogares e da incertidume e descoñecemento que moita xente ten de parte dos conceptos que veñen reflectidos na actual factura da luz, esta sesión formativa e informativa levada a cabo por un profesional experto no sector trataremos de axudar a aquelas persoas que participen dela que poidan comprender con maior claridade a súa factura da luz, ademáis de poder esclarecer todas as dúbidas que ao respecto poida presentar.
Ademáis, tamén se expoñerá o estado actual e previsto do mercado da electricidade (tarifas, taxas, modalidades…) e facilitará a quen asista para que poida axustar os servizos que ten contratados para os que realmente precisa e para o tipo de consumo que realiza.
Haberá tamén un apartado específico para falar do Bono Social Eléctrico (en qué consiste, condicións para ser beneficiario/a e como solicitalo).

Levarase a cabo o martes día 26 de abril ás 10:30h. A sesión terá unha hora e media de duración, e as prazas son limitadas, sendo preciso realizar inscrición previa para poder participar (por teléfono chamando ao 988451293 ou 604037952, ou ben por correo electrónico: educacionfamiliar@concelloabola.gal)

Esperámoste!

CAMPAMENTO DE SEMANA SANTA “ESPAZO MEDRANDO XUNT@S”

CAMPAMENTO DE SEMANA SANTA “ESPAZO MEDRANDO XUNT@S”

Nesta Semana Santa coincidindo coas vacacións lectivas dos cativos e cativas, o concello de A Bola ofrece un campamento para buscar a conciliación da vida laboral, persoal e familiar das familias do concello. Levaranse a cabo nos días 11, 12, 13 e 18 de abril, en horario de 10h. a 14h., actividades de diverso tipo das que poderán disfrutar os nenos e nenas participantes: informática, ioga, traballo e coñecemento das emocións, contacontos e creacións literarias, xinkanas e rastrexos… As familias interesadas deben anotarse previamente ata este venres día 8 de abril chamando aos números 988451293 ou 604037952, ou escribindo un correo electrónico a: biblioteca@concelloabola.gal.

DÍA INTERNACIONAL DA MULLER 2022

DÍA INTERNACIONAL DA MULLER 2022

O vindeiro 8 de marzo conmemórase o Día Internacional da Muller, e como cada ano con motivo desta data no concello de A Bola poñemos en marcha actividades dirixidas a todos os grupos poboacionais cuxo aspecto común é a sensibilización e promoción da iguldade real entre homes e mulleres dende diversos ámbitos: actividade física e deportiva, educativa, social e formativa.

Estas actividades abarcarán todos os martes do mes, tendo así durante todo marzo unha iniciativa á semana para poder participar desta data tan sinalada e que nos lembra que non só neste mes, senon todo o ano, debemos traballar para acadar esa igualdade real na nosa sociedade.

ACTIVIDADE DE ENTROIDO 2022

ACTIVIDADE DE ENTROIDO 2022

O vindeiro xoves 24 de febreiro ás 17h. no Local Social de Veiga (baixo concello) realizaremos un obradoiro no que poderán participar tanto nenos/as coma xóvenes e persoas adultas para coñecer a historia e imaxe dunha personaxe propia da historia do Entroido do concello de A Bola; “a Vella” de San Miguel de Berredo. Poderemos tamén xogar a crear unha máscara e sombreiro como o que ela levaba, nun ambiente festivo e divertido.

Debido á situación sanitaria da Covid-19, as prazas serán limitadas e será preciso anotarse con antelación ata o mércores día 23 chamando ao 988451293 ou 604037952 (aquí tamén se atende whatsapp ou telegram), ou tamén escribindo un correo electrónico a: educacionfamiliar@concelloabola.gal

ANIMÁDEVOS A VIR ENTROIDAR CON NÓS!

“A BOLA VÍSTESE DE NADAL”