25N “Que o único que te faga chorar sexa a historia dun bo libro”

O Día Internacional da Eliminación da Violencia contra a Muller celébrase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación. A convocatoria foi iniciada polo movemento feminista latinoamericano en 1981, en conmemoración á data na que foron asasinadas, en 1960, as tres irmás Mirabal (Patria, Minerva e María Teresa), na República Dominicana. Lei Orgánica 1/2004, do 28 de decembro, de Medidas de Protección Integral contra a Violencia de Xénero Enlace externo no seu artigo 1.1., define a violencia de xénero como aquela que, “como manifestación da discriminación, a situación de desigualdade e as relacións de poder dos homes sobre as mulleres, exércese sobre estas por parte de quen sexa ou fosen os seus cónxuxes ou de quen estea ou estivesen ligados a elas por relacións similares de afectividade, aínda sen convivencia”, e “comprende todo acto de violencia física e psicolóxica, incluídas as agresións á liberdade sexual, as ameazas, as coaccións ou a privación arbitraria de liberdade.”

ACTIVIDADES DE VERÁN NO “ESPAZO MEDRANDO XUNT@S”

ACTIVIDADES DE VERÁN NO “ESPAZO MEDRANDO XUNT@S”

Un ano máis o concello de A Bola pon en marcha as actividades dirixidas á infancia dentro do seu “Espazo Medrando Xunt@s” en época estival promovendo a conciliación das familias do municipio e dinamizando o lecer e tempo libre das súas crianzas.

Estas actividades darán comezo o vindeiro 28 de xuño e rematarán o 3 de setembro. Serán de luns a venres en horario de 9:45h a 13:15h. con prazas limitadas e coma sempre cumprindo cos protocolos vixentes contra a Covid-19 en canto a hixiene e seguridade.

Para solicitar a instancia de inscrición ou pedir máis información pódese contactar por correo electrónico: educacionfamiliar@concelloabola.gal, ou por teléfono no 988451293 (extensión 4) ou no 604037952 (aquí tamén atendemos mensaxes de whatsapp e telegram). AS PRAZAS SON LIMITADAS! O prazo de inscrición será ata o mércores 23 de xuño ás 14h.

Esperámoste!

ESCOLA DE FAMILIAS: “Conversando sobre o uso axeitado dos medicamentos”

ESCOLA DE FAMILIAS: “Conversando sobre o uso axeitado dos medicamentos”

O vindeiro luns 7 de xuño editarase a última sesión da nosa 4ª edición da Escola de Familias; desta volta falaremos con Montse Dafonte, farmacéutica no concello de A Bola (concretamente no lugar de Podentes) sobre o uso que soemos facer a cidadanía cos medicamentos. Haberá temas tan interesantes como saber que pode suceder cando decido por vontade propia parar de tomar unha medicación que me receitou a/o médica/o, ou se me tomo aquelas pastillas que me dixo unha amizade que eran boas para ese problema que eu teño, sobre prospectos e xestión de medicamentos caducados, se é bo ou non tomar paracetamol antes da vacina contra a Covid-19, ou como elaborar un botiquín caseiro que sexa ben completo… Queredes saber sobre todo isto e máis cousiñas de interese? Non dubidedes en inscribirvos a esta sesión ANTES DESTE VENRES DÍA 4 DE XUÑO, enviando un correo electrónico a: educacionfamiliar@concelloabola.gal, chamando ao 988451293 (extensión 4) ou ao 604037952 (aquí tamén atendemos mensaxes de Whatsapp e Telegram).

“Mulleres Galegas nas Letras”: Xela Arias

“Mulleres Galegas nas Letras”: Xela Arias

E por fin chegamos á homenaxeada deste ano 2021: Xela Arias Castaño. Con este vídeo, rematamos este Proxecto Mulleres Galegas nas Letras que dende o concello impulsamos neste ano, tratando de dar visibilidade ás autoras galegas nas nosas letras e promocionando o coñecemento das figuras femininas destacadas en ámbitos da cultura onde durante moitos anos quedaron (e quedan) invisibilizadas, desta volta, no sector literario.

VÍDEO XELA ARIAS