O noso concello poñerá en funcionamento durante os meses de xullo, agosto e ata o 8 de setembro un servizo de atención a crianzas que abarcará horario de mañá e horario de tarde, para favorecer a conciliación entre a poboación municipal. Este servizo de conciliación ao que cada verán unha vintena de familias recorren para poder compaxinar a súa vida laboral, familiar e persoal, verase mellorado en canto a horario de atención (un total de 8 horas diarias) e tamén a número de familias que se poidan beneficiar do mesmo (prinicipalmente aquelas con horario partido, turnos de traballo rotativos…).
As familias que desexen solicitar praza neste servizo poderán elexir por semanas ou quincenas, nunha quenda ou nas dúas segundo precise, e para elo deberán cubrir un formulario que poderán descargar da nosa sede electrónica ou solicitalo chamando ao 988451293 ou 604037952, ou no correo: educacionfamiliar@concelloabola.gal, onde tamén poderán ter máis información sobre o servizo.
O PRAZO DE SOLICITUDES SERÁ DENDE HOXE LUNS DÍA 12 DE XUÑO ATA O VENRES 23 DE XUÑO.
Un ano máis, dentro do Programa Municipal de Fomento da Conciliación do concello de A Bola, realizarase un campamento polo periodo non lectivo de Semana Santa dirixido ás familias con menores de entre 3 e 12 anos de idade. Durante os días 3, 4, 5 e 10 de abril, en horario de 10:15h a 12:45h, as crianzas asistentes realizarán xogos, manualidades, xinkanas… e tamén terán unha xornada lúdica con novas tecnoloxías.
O prazo para anotarse será ata o día 27 do presente mes de marzo e deberán facelo contactando co concello no 988451293 ou o 604037952 (neste móbil tamén a través de whatsapp) ou a través do correo: educacionfamiliar@concelloabola.gal
AS PRAZAS SON LIMITADAS! A asistencia será gratuita para empadroad@s, e @s non empadroad@s deberán aboar 10€ por neno/a participante.
O concello de A Bola poñerá en funcionamento a partires do vindeiro mes un servizo de atención á infancia e adolescencia para crianzas de ata 16 anos de idade de luns a venres en horario de tarde, para fomentar a conciliación das familias e tamén ofertar un servizo de calidade na atención aos/ás menores no que formentar o desenvolvemento da súa autonomía, as súas habilidades e reforzar coñecementos. Todas as persoas interesadas poden completar información e realizar as inscricións por correo electrónico (educacionfamiliar@concelloabola.gal) ou teléfono (988451293 – 604037952). AS PRAZAS SON LIMITADAS.
Esta medida é posible grazas á organización do concello de a Bola coa financiación recibida a través do Plan Corresponsables da Xunta de Galicia e o Ministerio.
Nesta Semana Santa coincidindo coas vacacións lectivas dos cativos e cativas, o concello de A Bola ofrece un campamento para buscar a conciliación da vida laboral, persoal e familiar das familias do concello. Levaranse a cabo nos días 11, 12, 13 e 18 de abril, en horario de 10h. a 14h., actividades de diverso tipo das que poderán disfrutar os nenos e nenas participantes: informática, ioga, traballo e coñecemento das emocións, contacontos e creacións literarias, xinkanas e rastrexos… As familias interesadas deben anotarse previamente ata este venres día 8 de abril chamando aos números 988451293 ou 604037952, ou escribindo un correo electrónico a: biblioteca@concelloabola.gal.
Levaranse a cabo dous días de actividades temáticas adicadas a nenos e nenas neste Nadal 2021 no noso concello: o día 23 de decembro de 10 a 12h. haberá un obradoiro de temática de Nadal musical e tamén o día 4 de xaneiro de 10h. a 13h. haberá outro obradoiro desta volta con temática de Reis.
Para poder participar nun ou nos dous obradoiros haberá que anotarse previamente ata o día anterior de realización de cada obradoiro chamando ao concello (988451293), ao móbil 604037952 ou escribindo un correo electrónico a: educacionfamiliar@concelloabola.gal
