Este xoves día 3 de setembro en horario de 10h. a 13h. a Aula CeMIT de A Bola levará a cabo unha nova xornada lúdica e educativa para crianzas de entre 3 e 12 anos de idade na que usando a ferramenta dixital «Kahoot!» aprenderán divertíndose diferentes contidos á vez que adquiren destreza no manexo das novas tecnoloxías con fins didácticos.
No día de onte as nosas crianzas estiveron pasando unha xornada divertida aprendendo sobre novas tecnoloxías e o uso de programas coma o PowerPoint para fins lúdicos e educativos. Pablo, o técnico da nosa Aula CeMIT, foi o encargado de transmitirlles todos estes coñecementos aos nosos pequechos e pequechas.
Este xoves día 27 de agosto en horario de 10h. a 13h. levarase a cabo unha xornada formativa dirixida a nenos e nenas de entre 3 e 12 anos para que a través da ferramenta de microsoft PowerPoint se vaian familiarizando e empecen a empregala dunha maneira interactiva e dinámica axeitada a súa idade.
Os vindeiros mércores 19 e 26 de agosto e 2 de setembro de 18:30h a 20:00h levaranse a cabo na área recreativa do noso concello unhas xornadas interxeracionais de Cachibol, un deporte apto para todas as idades e moi entretido! Poden participar as crianzas, a mocidade, as persoas adultas e maiores… tod@s sodes benvid@s!
Esta actividade do concello de A Bola é gratuita e impulsada por Risaplüs e a Deputación de Ourense.
Para máis información, poñerse en contacto co noso concello presencialmente nas oficinas, por teléfono (988451293) ou por correo electrónico (servizossociais@concelloabola.gal).
Animádevos a participar!
O vindeiro venres día 14 de agosto de 9:45h. a 13:15h. levaremos a cabo na área recreativa do concello de A Bola unha xornada temática, «A Busca do Tesouro Pirata» na que as crianzas de entre 3 a 12 anos tratarán de superar unha serie de xogos e probas para acadar pistas que as leven a atopar un tesouro pirata agochado.
Todas as crianzas que desexen participar deben anotarse previamente antes do xoves 13 ás 14h. chamando aos números 988451293 ou 604037952, ou tamén escribindo un correo electrónico a: educacionfamiliar@concelloabola.gal
Dende o peche da última edición online do noso proxecto «Escola de Familias», recibimos a través do noso Programa de Educación e Apoio Familiar solicitudes de información e interese en relación á sesión de Crianza Positiva que emitimos no pasado mes de xuño, plantexando a posibilidade de aproveitar esta modalidade formativa e informativa acerca deste interesante tema, polo que de xeito excepcional decidimos abrir novamente un prazo de inscrición para acceder aos vídeos que compoñen esta sesión, nun formato de reedición de verán 🤩
Os vídeos da sesión CRIANZA POSITIVA estarán dispoñibles durante 15 días desta volta, dende o 14 ao 28 do presente mes de agosto para todas aquelas persoas que se anoten chamando ao 988451293 ou ao 604037952, ou enviando un correo electrónico a: educacionfamiliar@concelloabola.gal.
Grazas de novo polo voso interese e a estupenda acollida das nosas propostas e actividades! No verán non paramos… seguimos!
