Mª Teresa Barge acudiu a esta importante reunión en representación do concello de A Bola, un dos 25 concellos que conforman o territorio do GDR Limia-Arnoia e que se suman a esta interesante e útil iniciativa á que se pode acceder a través da dirección web: www.aterra.gal
Este xoves día 1 de decembro ás 17h no local social de Veiga acolleremos por fin o espectáculo «Xogar e Aprender en Galego Mola!» que está dirixido a público infantil e familiar. A entrada é libre, non deixedes de asistir!
É un espectáculo incluído no Programa FalaRedes da Xunta de Galicia (Rede de Dinamización Lingüïstica)
O VINDEIRO MÉRCORES DÍA 30 DE NOVEMBRO ÁS 17H NA NOSA BIBLIOTECA MUNICIPAL TEREMOS O PRIVILEXIO DE ACOLLER A PRESENTACIÓN DO LIBRO «A LISTA DA COMPRA» DA MAN DA SÚA AUTORA, María Besteiros, CARACTERIZADA POR INTERESARSE NA ESCRITA DE MULLERES ANALIZADA DENDE A PERSPECTIVA FEMINISTA.
«A LISTA DA COMPRA» RECOLLE NAS SÚAS PÁXINAS O POBO DE MORGADE, UBICADO NO NOSO CONCELLO, E ACABA DE SER PUBLICADO NESTE ANO 2022.
NON PERDADES A OPORTUNIDADE DE ASISTIR A ESTA PRESENTACIÓN E COÑECER A ESTA AUTORA E ESTA SÚA OBRA RECENTE QUE XA FORMA PARTE DAS IMPRESCINDIBLES DA NOSA BIBLIOTECA
Este ano o concello da Bola lanza as Xornadas Violetas con motivo da conmemoriación do Día Internacional contra a Violencia de Xénero, abarcando unha actividade dirixida a mulleres adultas o mércores 23 ás 16h. e para crianzas o venres 25 ás 16:30h. O venres, propio día conmemorativo, farase campaña dende o concello para concienciar e sensibilizar sobre a temática acompañando coa entrega de material editado para a ocasión.
Para participar nas actividades ou ter máis información podese contactar por teléfono (988451293 ou 604037952) ou correo electrónico (educacionfamiliar@concelloabola.gal).
Este venres día 11 de novembro celebraremos novamente o noso esperado magosto, no que a partires das 18h. poderemos compartir dunha merenda con castañas, pan, chourizo e viño amenizada con espectáculos musicais e teatrais para todos os públicos. A Coral Municipal da Bola e os Amigos do Acordeón Terras de Celanova actuarán dende as 18h. ata as 19h, dando paso a unha obra de teatro infantil e familiar chamada «Xogar e Aprender en Galego Mola!», pertencente á oferta de espectáculos dentro do programa «falaRedes» da Rede de Dinamización Lingüística da Xunta de Galicia.
A entrada é gratuita para a veciñanza, e hai que anotarse previamente durante esta semana chamando ao concello (988451293) en horario de oficina (de 9 a 15h). Non faltedes!
O vindeiro luns día 31 de outubro teremos no local social de Veiga a nosa festiña máis terrorífica do ano, a Festiña de Samaín á que poden vir crianzas e as súas familias para disfrutar con nós de variadas actividades relacionadas con esta festividade. A participación é de balde, soamente haberá que anotarse ata o día 28 (venres) contactando co concello por teléfono (988451293 – 604037952) ou correo electrónico (educacionfamiliar@concelloabola.gal). Esperámoste!
