O pasado xoves, as nosas crianzas disfrutaron realizando diferentes xogos e actividades manexando a ferramenta en liña «Kahoot!» que descubriron da man de Pablo, o noso técnico da aula CeMIT municipal. Aquí tendes algunha fotiño da xornada:
O videiro luns en horario de 11h. a 12:30h. acolleremos unha actividade novidosa na nosa área recreativa: un obradoiro de esgrima antiga da man de OUREA (Asociación Ourensá de Esgrima Antiga) dirixido a crianzas de entre 4 e 12 anos de idade, onde aprenderán máis sobre esta disciplina e realizarán divertidos xogos e actividades relacionados coa temática. Todo elo con material adaptado a dita franxa de idades e con todas as medidas de seguridade fronte ao COVID-19.
Para saber máis sobre esta xornada, chamar ao concello ao 988451293.
Este xoves día 3 de setembro en horario de 10h. a 13h. a Aula CeMIT de A Bola levará a cabo unha nova xornada lúdica e educativa para crianzas de entre 3 e 12 anos de idade na que usando a ferramenta dixital «Kahoot!» aprenderán divertíndose diferentes contidos á vez que adquiren destreza no manexo das novas tecnoloxías con fins didácticos.
Hoxe remata un novo mes de actividades no Espazo Medrando Xunt@s do concello de A Bola; as crianzas participantes puideron disfutar de xogos, xinkanas, buscas do tesouro, novas tecnoloxías, cine… Todo elo por suposto coas correspondentes medidas de seguridade e hixiene ante a situación sanitaria provocada polo coronavirus.
Aquí vos deixamos unha escolma do ben que o pasamos!
No día de onte as nosas crianzas estiveron pasando unha xornada divertida aprendendo sobre novas tecnoloxías e o uso de programas coma o PowerPoint para fins lúdicos e educativos. Pablo, o técnico da nosa Aula CeMIT, foi o encargado de transmitirlles todos estes coñecementos aos nosos pequechos e pequechas.
Este xoves día 27 de agosto en horario de 10h. a 13h. levarase a cabo unha xornada formativa dirixida a nenos e nenas de entre 3 e 12 anos para que a través da ferramenta de microsoft PowerPoint se vaian familiarizando e empecen a empregala dunha maneira interactiva e dinámica axeitada a súa idade.
