Con previsión de estar lista para o verán de 2021, a área recreativa Ponte Barbón da Bola contará cunha pista multideporte, respondendo ás peticións que a alcaldesa recibiu durante diversas reunións e encontros con veciñanza nos últimos tempos, principalmente por parte da xuventude residente no concello, e tamén seguindo cunha política de promoción e fomento da saúde a través da práctica do deporte.
Mediante unha reunión co delegado territorial da Xunta de Galicia en Ourense, Gabriel Alén, a alcaldesa aproveitou para tratar outros temas de importancia para o municipio coma o proxecto de mellora da rede de colectores en diversos núcleos ubicados en tres parroquias, incluíndo a construcción dunha depuradora xunto ao río Ourille.
Acceso á noticia no diario dixital de «La Región» pinchando AQUÍ
O delegado territorial da Xunta de Galicia en Ourense, Gabriel Alén, na súa reunión coa nosa alcaldesa, María Teresa Barge Bello, no día de onte.
O concello de A Bola é unha das entidades locais que está adherida a este Pacto que a nivel europeo agrupa a miles de gobernos locais que de xeito voluntario se comprometen a implantar os obxectivos den materia de clima e de enerxía da Unión Europea.
O lanzamento deste Pacto (en adiante, PACES) tivo lugar por primeira vez en Europa en 2008 co propósito de reunir aos gobernos locais que se comprometesen a implantar estes obxectivos; esta iniciativa non só achegou un enfoque innovador nas accións relacionadas co clima e a enerxía, senon que o seu éxito superou axiña todas as expectativas.
O concello de A Bola sumouse a esta iniciativa no ano 2019, e hoxe en día o PACES reúne máis de 7000 autoridades locais e rexionais de 57 países que aproveitan os puntos fortes dun movemento que involucra a múltiples actores e conta co apoio técnico e metodolóxico de oficinas adicadas a este fin.
Para ter máis información ao respecto do PACES (orixe, obxectivos, comunidade en Galicia, eventos…) pódese consultar a páxina oficial na nosa comunidade premendo no seguinte enlace:
O concello de A Bola, como membro da Rede de Dinamización Lingüística, ofrecerá o vindeiro 9 de outubro ás 20:30h. a estrea en primicia da película inédita en salas de cine «María Solinha», de Ignacio Vilar (Vía Láctea Filmes). Esta longametraxe conta recontrucción da historia de María Soliña, unha viúva da vila de Cangas (Pontevedra) a Inqusición acusou de bruxería e queimou na fogueira no 1621, resultado dun plan amañado pola nobleza canguesa que codizaba os seus bens nunha época de decadenza na vila. A protagonista sofre, no Século XXI, acedos ecos da agresión que sufriu María Solinha no século XVII.
Antes do comezo da proxección, o propio director Ignacio Vilar presentaranos o filme e explicará os pormenores do mesmo, e ao finalizar o visionado da película haberá lugar para un posible coloquio-debate no que poderán participar todas as persoas asistentes.
É unha actividade aberta e gratuita! E forma parte dunha das numerosas actividades que se enmarcan dentro Programa «Fondo de Proxectos Culturais Xacobeo XXI» da Secretaría Xeral de Política Lingüística da Xunta de Galicia.
Por motivos de xestión de aforo, precísase unha inscrición previa que se poderá facer ata o día 8 de outubro (día anterior á proxección) chamando ao 988451293 ou ao 604037952 (tamén Whatsapp).
Esta actividade será realizada baixo todos os controis de seguridade e hixiene precisos ante a COVID-19 (limpeza e distancia de seguridade entre cadeiras, lugar amplo, semiaberto e ventilado, xel hidroalcólico a disposición…) polo que a asistencia á mesma faise totalmente segura.
O pasado mércores os cativos e cativas participantes do noso Espazo Medrando Xunt@s do concello de A Bola puideron desfrutar dunha “Festa de Fin de Verán” con hinchables, deslizadora de auga, festa da escuma, xogos, música… todo elo para pechar a tempada de actividades que neste espazo se levaron a cabo durante os meses de verán no municipio para nenos e nenas de entre 3 e 12 anos. Este servizo posto en marcha polo concello veu a ofrecer unha oportunidade de atención á infancia e conciliación para as familias do municipio, ás que lle agradecemos de corazón o seu cariño e constante colaboración para que estas actividades chegasen a ser o éxito que foron.
Chegado setembro, a Aula CeMIT de A Bola comeza a programación formativa para este último cuadrimestre do ano. Uso de dispositivos móbiles, ofimática, realización de trámites administrativos en liña… unha chea de oportunidades de aprendizaxe dende este mes e ata decembro e con moita utilidade nestes tempos nos que as novas tecnoloxías cobran máis importancia que nunca no noso día a día. Anímate!
Podedes pedir máis información sobre ditos cursos chamando ao 988451293 ou escribindo un correo electrónico á dirección: cemit.abola@xunta.gal
Mañá mércores realizaremos unha festa cos cativos e cativas participantes do Espazo Medrando Xunt@s do concello de A Bola, no que disfrutarán de música, hinchable de auga e festa da escuma, e coma sempre respectando todos os protocolos e medidas de seguridade e hixiene fronte ao COVID-19.
Deste xeito pecharase a tempada de verán deste espazo que durante os meses de xullo, agosto e estes días de setembro ofreceu moi diversas actividades a crianzas de entre 3 a 12 anos de idade, supoñendo á súa vez unha alternativa de conciliación para as familias do municipio que tivo moi boa acollida contando xa con lista de espera dende o inicio de período de solicitudes.
