ATENCIÓN Á VECIÑANZA: O concello de A Bola acaba de poñer en marcha un dispositivo de axuda para enviar material de primeira necesidade para Ucraína en colaboración coa Deputación de Ourense. O material a recoller será:
– Enseres de abrigo: mantas, sábanas, colchas…
– Roupa de abrigo, tanto de bebé e neno/a como de adultos (importante chaquetas e abrigos)
– Obxectos de hixiene persoal: cepillos e pasta de dentes, xabóns, toalliñas de bebé…
– Pañais tanto de bebé como de adulto.
– Productos de hixiene femenina: compresas, tampóns, toalliñas hixiénicas…
– Comida en lata ou precociñada industrialmente (preferible non traer arroz ou pasta en crú).
– Leite en pó e potitos para bebés.
– Guantes de látex- Material escolar (libretas, lápis, gomas, pinturas, estoxos…) e libros de lectura infantís.
– Xoguetes de pequeno tamaño e fácil transporte.
IMPORTANTE! Todo o que se traia debe vir en caixas ou bolsas clasificado segundo o tipo de material que sexa segundo o anteriormente sinalado para facilitar a súa posterior xestión.O lugar de recollida será o edificio do concello en horario de luns a venres de 9:30h. a 14:30h.Para máis información, podedes chamar ao concello (988451293) e contactar cos servizos sociais municipais
O vindeiro 8 de marzo conmemórase o Día Internacional da Muller, e como cada ano con motivo desta data no concello de A Bola poñemos en marcha actividades dirixidas a todos os grupos poboacionais cuxo aspecto común é a sensibilización e promoción da iguldade real entre homes e mulleres dende diversos ámbitos: actividade física e deportiva, educativa, social e formativa.
Estas actividades abarcarán todos os martes do mes, tendo así durante todo marzo unha iniciativa á semana para poder participar desta data tan sinalada e que nos lembra que non só neste mes, senon todo o ano, debemos traballar para acadar esa igualdade real na nosa sociedade.
O vindeiro xoves 24 de febreiro ás 17h. no Local Social de Veiga (baixo concello) realizaremos un obradoiro no que poderán participar tanto nenos/as coma xóvenes e persoas adultas para coñecer a historia e imaxe dunha personaxe propia da historia do Entroido do concello de A Bola; «a Vella» de San Miguel de Berredo. Poderemos tamén xogar a crear unha máscara e sombreiro como o que ela levaba, nun ambiente festivo e divertido.
Debido á situación sanitaria da Covid-19, as prazas serán limitadas e será preciso anotarse con antelación ata o mércores día 23 chamando ao 988451293 ou 604037952 (aquí tamén se atende whatsapp ou telegram), ou tamén escribindo un correo electrónico a: educacionfamiliar@concelloabola.gal
“A Bola Saudable” é un programa que busca favorecer a mellora do estado de saúde e benestar integral da poboación do concello, e abarca a práctica das dúas disciplinas deportivas máis precisas e demandadas pola poboación do concello: a ximnasia de mantemento e o ioga. A periodicidade é semanal, cunha hora de sesión á semana de cada unha destas disciplinas.
A duración será dende febreiro ata novembro de 2022 e será preciso inscrición previa. Para ter máis información podedes chamar ao concello (988451293 pu 604037952) ou escribir un correo electrónico a: educacionfamiliar@concelloabola.gal
O Día Internacional da Eliminación da Violencia contra a Muller celébrase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación. A convocatoria foi iniciada polo movemento feminista latinoamericano en 1981, en conmemoración á data na que foron asasinadas, en 1960, as tres irmás Mirabal (Patria, Minerva e María Teresa), na República Dominicana. Lei Orgánica 1/2004, do 28 de decembro, de Medidas de Protección Integral contra a Violencia de Xénero Enlace externo no seu artigo 1.1., define a violencia de xénero como aquela que, “como manifestación da discriminación, a situación de desigualdade e as relacións de poder dos homes sobre as mulleres, exércese sobre estas por parte de quen sexa ou fosen os seus cónxuxes ou de quen estea ou estivesen ligados a elas por relacións similares de afectividade, aínda sen convivencia”, e “comprende todo acto de violencia física e psicolóxica, incluídas as agresións á liberdade sexual, as ameazas, as coaccións ou a privación arbitraria de liberdade.”
