O vindeiro martes día 29 de agosto a partires das 17:30h teremos o privilexio de acoller na área recreativa da Bola a «XORNADA DE BAILE A CASA VELLA»; Nuria Sotelo, bailarina e coreógrafa, impartirá unha sesión de baile para maiores para todas aquelas persoas que se queiran achegar, non é preciso reservar praza. Será unha oportunidade única para bailar e disfrutar en veciñanza con esta recoñecida profesional!
Ademáis acolleremos as fotografías en grande formato de artistas que acudiron á Casa Vella durante estes anos, obra do artista visual Rubén Vilanova.
Rubén e Nuria tamén nos contarán, unha vez rematada a sesión de baile, un pouquiño máis sobre este proxecto de A Casa Vella que iniciaron no 2021 en Amiadoso (Allariz) e que se proxecta xa coma un referente na dinamizacion cultural no rural.
A participación en calquera das tres actividades é gratuita e libre. Unha cita chea de baile, arte e cultura que non podedes perder!
O vindeiro xoves dia 24 ás 18:30h na área recreativa da Bola acolleremos un espectáculo de maxia co Mago Paco, sendo o segundo ano que nos visita despois de ter arrincado aplausos e risas por igual tanto de grandes como de cativos na última vez que se achegou a facer a súa maxia no noso concello. A entrada é libre! Esperámosvos.
Esta actividade está recollida dentro da programación da Biblioteca de Verán de A Bola a través do Ler Conta Moito da Xunta de Galicia.
Os vindeiros días 17 e 31 de xullo en horario de 11 a 12:30h a aula CeMIT municipal acollerá un curso onde se explicará o manexo da aplicación de mensaxería de Whatsapp ás persoas que desexen asistir, sen límite de idade. Para ter máis información e inscribirse no curso, podedes chamar ao 988680456 ou ben escribir un correo a: cemit.abola@xunta.gal
O noso concello poñerá en funcionamento durante os meses de xullo, agosto e ata o 8 de setembro un servizo de atención a crianzas que abarcará horario de mañá e horario de tarde, para favorecer a conciliación entre a poboación municipal. Este servizo de conciliación ao que cada verán unha vintena de familias recorren para poder compaxinar a súa vida laboral, familiar e persoal, verase mellorado en canto a horario de atención (un total de 8 horas diarias) e tamén a número de familias que se poidan beneficiar do mesmo (prinicipalmente aquelas con horario partido, turnos de traballo rotativos…).
As familias que desexen solicitar praza neste servizo poderán elexir por semanas ou quincenas, nunha quenda ou nas dúas segundo precise, e para elo deberán cubrir un formulario que poderán descargar da nosa sede electrónica ou solicitalo chamando ao 988451293 ou 604037952, ou no correo: educacionfamiliar@concelloabola.gal, onde tamén poderán ter máis información sobre o servizo.
O PRAZO DE SOLICITUDES SERÁ DENDE HOXE LUNS DÍA 12 DE XUÑO ATA O VENRES 23 DE XUÑO.
Este xoves día 25 de maio ás 11h. levarase a cabo na Aula CeMIT municipal (baixo do edificio da biblioteca municipal) unha xornada informativa para dar a coñecer a «AULA MENTOR» da Bola, o servizo de formación recentemente estreado no concello . Se estás interesado/a en aumentar a túa formación, especializarte nalgún tema en concreto, se precisas facer cursos relacionados coa túa profesión… e todo isto a través de Internet e apoiado por tutores/as e sen moverte do concello, esta iniciativa pode interesarte moito!
Esta iniciativa é posta en marcha polo concello da Bola coa financiación do Ministerio de Educación, e ven a ser unha vía de acceso a numerosos cursos formativos oficiais en modalidade en liña que pode realizar toda persoa que esté interesada.
Para coñecer toda esta información (como funciona, os cursos que hai, como hai que facer para matricularse…) animádevos a asistir a esta breve reunión informativa, onde tamén poderedes coñecer as intalacións da CeMIT municipal e formular todas aquelas preguntas que precisedes aclarar sobre a Aula Mentor.
