Mañá mércores día 4 de xaneiro ás 12h no local social de Veiga acolleremos o espectáculo «El Mensaje», unha obra de teatro de sombras que nace do traballo realizado no obradoiro creativo de teatro de sombras que A Casa Vella de Amiadoso levou a cabo en colaboración co noso concello nos meses de novembro e decembro do pasado 2022. Valérie Lenders é a artista responsable desta iniciativa e acompañará aos nenos e nenas neste espectáculo, xa que serán eles/as os/as responsables de executar esta obra que busca contar unha historia, con certo paralelismo á dos Reis Magos coa estrela de Oriente, tratando de concienciar sobre a cooperación, a solidariedade, e o respecto á natureza, entre outros importantes valores.
A entrada é libre para quen desexe asistir, e ao remate poñeremos un pequeno picoteo de roscón de Reis e bica para as crianzas e persoas asistentes.
O concello de A Bola poñerá ofrecerá novamente durente este primeiro semestre do ano o servizo de atención á infancia «Espazo Medrando Xunt@s», en horario de tarde para favorecer a conciliación laboral, familiar e persoal das familias do concello. Para ter máis información e realizar as inscricións correspondentes das crianzas interesadas en participar, podedes chamar por teléfono ao concello ou escribir un correo electrónico a: educacionfamiliar@concelloabola.gal
Xa está aberto o prazo para inscricións no noso campamento «Ludonadal» que se levará a cabo de luns a venres dende o 23 de decembro de 2022 ao 5 de xaneiro do 2023 en horario de 10:45h a 12:45h. Faremos xogos, manualidades, adornos de Nadal, actividades de informática, festiña de Fin de Ano, espectáculo de teatro de sombras…
Para máis información e inscricións debedes contactar por teléfono no 988451293 ou 604037952 (esta tamén a través de WhatsApp ou Telegram), ou por correo electrónico: educacionfamiliar@concelloabola.gal. AS PRAZAS SON LIMITADAS. Data límite de inscricións: 21 de decembro.
O proxecto «Ludonadal» está enmarcado dentro do Programa de Fomento da Conciliación Municipal
Este xoves día 1 de decembro ás 17h no local social de Veiga acolleremos por fin o espectáculo «Xogar e Aprender en Galego Mola!» que está dirixido a público infantil e familiar. A entrada é libre, non deixedes de asistir!
É un espectáculo incluído no Programa FalaRedes da Xunta de Galicia (Rede de Dinamización Lingüïstica)
O VINDEIRO MÉRCORES DÍA 30 DE NOVEMBRO ÁS 17H NA NOSA BIBLIOTECA MUNICIPAL TEREMOS O PRIVILEXIO DE ACOLLER A PRESENTACIÓN DO LIBRO «A LISTA DA COMPRA» DA MAN DA SÚA AUTORA, María Besteiros, CARACTERIZADA POR INTERESARSE NA ESCRITA DE MULLERES ANALIZADA DENDE A PERSPECTIVA FEMINISTA.
«A LISTA DA COMPRA» RECOLLE NAS SÚAS PÁXINAS O POBO DE MORGADE, UBICADO NO NOSO CONCELLO, E ACABA DE SER PUBLICADO NESTE ANO 2022.
NON PERDADES A OPORTUNIDADE DE ASISTIR A ESTA PRESENTACIÓN E COÑECER A ESTA AUTORA E ESTA SÚA OBRA RECENTE QUE XA FORMA PARTE DAS IMPRESCINDIBLES DA NOSA BIBLIOTECA
Este ano o concello da Bola lanza as Xornadas Violetas con motivo da conmemoriación do Día Internacional contra a Violencia de Xénero, abarcando unha actividade dirixida a mulleres adultas o mércores 23 ás 16h. e para crianzas o venres 25 ás 16:30h. O venres, propio día conmemorativo, farase campaña dende o concello para concienciar e sensibilizar sobre a temática acompañando coa entrega de material editado para a ocasión.
Para participar nas actividades ou ter máis información podese contactar por teléfono (988451293 ou 604037952) ou correo electrónico (educacionfamiliar@concelloabola.gal).