Posta en marcha pola Xunta de Galicia do Programa Benestar en Balnearios. Consiste nunha estancia de 10 días en réxime de pensión completa (aloxamento, almorzo, xantar e cea) ademais de incluir os tratamentos termais establecidos tras a consulta médica, tamén incluída.
A escoller entre 15 balnearios de Galicia. Dende xullo ata decembro de 2024.
O venres 21 abrirá o prazo de inscricións para o Concilia de Verán deste ano, 2024. Realizarase en horario de mañá (10.00 – 14.00 h) e de tarde ( 16.00 – 20.00 h).
Contáctanos para máis información e inscricións no 988 45 12 93 ou no 604 03 79 52
Este venres día 15 de decembro ás 11h da mañá teremos unha nova reunión no Espazo Mulleres, desta volta para aprender da man dunha das nosas compañeiras a realizar adornos propios desta época de Nadal que está próxima a chegar. O obradoiro é de libre participación para mulleres do concello, e totalmente gratuito, por suposto! Pasaremos de novo un ratiño xuntas, e que non falte o cafeciño, as infusións e algún rico pasteliño caseiro.
Este mes chegará ao noso concello novamente o Ludonadal, as actividades temáticas de Nadal para as crianzas en periodo non lectivo. A participación será gratuita para familias empadroadas no concello, e de pago para o resto (deberán aboar un pago único de 10 euros por participación). É preciso inscribirse para participar, e poderase facer chamando por teléfono ao concello ou enviando un correo electrónico a: educacionfamiliar@concelloabola.gal
Pola conmemoración do 25 de novembro, día Internacional contra a Violencia de Xénero, dende o concello temos preparada unha programación de actividades que se celebrarán dende o día 21 ata o 28 de novembro. Así, o día 21 os/as máis xóvenes terán oportunidade de facer actividades temáticas, o día 24 reuniremos un grupo de participación de mulleres a través dunha nova xornada do noso «Espazo Mulleres», e o día 28 terá lugar unha formación gratuita para pais, nais, titores/as e educadores/as en xeral sobre educación sexual como factor preventivo da violencia de xénero e sexual (as persoas que precisen servizo de canguraxe para asistir a esta formación, teñen esa posibilidade comunicándoo previamente).
As persoas que estén interesadas en participar dalgunha destas actividades debe poñerse en contacto co concello por teléfono ou correo electrónico (os indicados no cartaz oficial a continuación).
