Hoxe às 18:30h temos na área recreativa a primeira xornada interxeracional se cachibol, pero se a meteoroloxía non permitise realizar a actividade alí ao aire libre, trasladaríase á nave de Cacabelos, a 1 minuto camiñando da área recreativa, sendo guiada a xente participante polo monitor. Animádevos a participar e que a chuvia non pare as nosas ganas de diversión!
Os vindeiros mércores 19 e 26 de agosto e 2 de setembro de 18:30h a 20:00h levaranse a cabo na área recreativa do noso concello unhas xornadas interxeracionais de Cachibol, un deporte apto para todas as idades e moi entretido! Poden participar as crianzas, a mocidade, as persoas adultas e maiores… tod@s sodes benvid@s!
Esta actividade do concello de A Bola é gratuita e impulsada por Risaplüs e a Deputación de Ourense.
Para máis información, poñerse en contacto co noso concello presencialmente nas oficinas, por teléfono (988451293) ou por correo electrónico (servizossociais@concelloabola.gal).
Animádevos a participar!
O vindeiro venres día 14 de agosto de 9:45h. a 13:15h. levaremos a cabo na área recreativa do concello de A Bola unha xornada temática, «A Busca do Tesouro Pirata» na que as crianzas de entre 3 a 12 anos tratarán de superar unha serie de xogos e probas para acadar pistas que as leven a atopar un tesouro pirata agochado.
Todas as crianzas que desexen participar deben anotarse previamente antes do xoves 13 ás 14h. chamando aos números 988451293 ou 604037952, ou tamén escribindo un correo electrónico a: educacionfamiliar@concelloabola.gal
Dende o peche da última edición online do noso proxecto «Escola de Familias», recibimos a través do noso Programa de Educación e Apoio Familiar solicitudes de información e interese en relación á sesión de Crianza Positiva que emitimos no pasado mes de xuño, plantexando a posibilidade de aproveitar esta modalidade formativa e informativa acerca deste interesante tema, polo que de xeito excepcional decidimos abrir novamente un prazo de inscrición para acceder aos vídeos que compoñen esta sesión, nun formato de reedición de verán 🤩
Os vídeos da sesión CRIANZA POSITIVA estarán dispoñibles durante 15 días desta volta, dende o 14 ao 28 do presente mes de agosto para todas aquelas persoas que se anoten chamando ao 988451293 ou ao 604037952, ou enviando un correo electrónico a: educacionfamiliar@concelloabola.gal.
Grazas de novo polo voso interese e a estupenda acollida das nosas propostas e actividades! No verán non paramos… seguimos!
Xa pasou un mes dende que demos comezo ás nosas actividades de lecer a través do noso servizo de atención á infancia «Espazo Medrando Xunt@s»!
As crianzas participantes están a pasalo xenial! Dinámicas de grupo, xogo dirixido e libre, actividades de dinamización lectora, asambleas, xornadas temáticas… En definitiva, un montón de actividades para disfutar xunt@s do verán, que ben merecido o teñen! 🙂
Este noso Espazo busca tamén promover unha maior conciliación da vida laboral, persoal e familiar das nosas familias, contando con moi boa acollida dende os inicios ao cubrir todas as prazas dispoñibles para todo o verán no período de inscrición no mes de xuño.
Aquí vos deixamos unha pequena mostra gráfica de todo o que levamos feito, e que seguiremos a facer ao longo deste mes de agosto e durante comezos de setembro ata chegar á data de comezo do curso escolar.
