ESCOLA DE FAMILIAS: «Conversando sobre o uso axeitado dos medicamentos»

ESCOLA DE FAMILIAS: «Conversando sobre o uso axeitado dos medicamentos»

por | May 31, 2021 | Actividades, Actualidade, Eventos, Formación

O vindeiro luns 7 de xuño editarase a última sesión da nosa 4ª edición da Escola de Familias; desta volta falaremos con Montse Dafonte, farmacéutica no concello de A Bola (concretamente no lugar de Podentes) sobre o uso que soemos facer a cidadanía cos medicamentos. Haberá temas tan interesantes como saber que pode suceder cando decido por vontade propia parar de tomar unha medicación que me receitou a/o médica/o, ou se me tomo aquelas pastillas que me dixo unha amizade que eran boas para ese problema que eu teño, sobre prospectos e xestión de medicamentos caducados, se é bo ou non tomar paracetamol antes da vacina contra a Covid-19, ou como elaborar un botiquín caseiro que sexa ben completo… Queredes saber sobre todo isto e máis cousiñas de interese? Non dubidedes en inscribirvos a esta sesión ANTES DESTE VENRES DÍA 4 DE XUÑO, enviando un correo electrónico a: educacionfamiliar@concelloabola.gal, chamando ao 988451293 (extensión 4) ou ao 604037952 (aquí tamén atendemos mensaxes de Whatsapp e Telegram).

COMEZO DAS SESIÓNS DE XIMNASIA DE MANTEMENTO

COMEZO DAS SESIÓNS DE XIMNASIA DE MANTEMENTO

por | Abr 9, 2021 | Actividades, Actualidade

O vindeiro martes día 13 de abril darán comezo as sesións de ximnasia de mantemento ás que se pode anotar toda persoa que así o desexe, sen límite de idade. Os exercicios que se realizarán estarán adaptados ao grupo de participantes, tendo en conta limitacións, doenzas, etc. e tamén aspectos precisos a traballar. As sesións serán moi dinámicas e divertidas, na liña do que se viña realizando en edicións anteriores, así que… a que esperas para anotarte?

As prazas serán limitadas, realizarase en entorno aberto con distancia de seguridade e respectando as medidas establecidas para este tipo de actividades en relación aos protocolos ante a Covid-19.

Para máis información e inscricións, chamar ao concello (988451293) ou ao 604037952. Tamén se pode escribir un correo electrónico a: educacionfamiliar@concelloabola.gal. Non hai límite de prazo para anotarse, así que calquera persoa se pode unir á actividade durante os meses que se realiza sempre e cando haxa praza dispoñible.