MAXIA DIVERTIDA NA ÁREA RECREATIVA

MAXIA DIVERTIDA NA ÁREA RECREATIVA

Este mércores día 10 ás 18:30h ha Área Recreativa da Bola haberá un espectáculo de maxia divertida para toda a familia, con entrada libre para quen desexe asistir. Grandes e pequenos/as poderemos disfrutar dun espectáculo entretido e interactivo.

(ante a posible presenza de tormenta, en caso de chuvia non se anulará o espectáculo, senon que o trasladaremos á nave de Cacabelos, situada a uns cantos metros da área recreativa).

Esperámosvos!!

«VERANOTECA» DA BOLA – CAMPAMENTO DE VERÁN 2022

«VERANOTECA» DA BOLA – CAMPAMENTO DE VERÁN 2022

A partires do vindeiro luns día 6 e ata o 24 de xuño estará aberto o prazo de inscrición para o noso Campamento de Verán 2022, actividade enmarcada dentro do Programa de Fomento da Conciliación Municipal. Dirixido a crianzas de entre 3 e 12 anos, que poderán disfrutar de obradoiros creativos e literarios, xinkanas e grandes xogos, baile e música, xogos tradicionais e con novas tecnoloxías, dinámicas de educación emocional, cración dunha horta, saídas… Todo isto durante os meses de xullo e agosto, en horario de 10h. a 14h. e sempre da man de profesionais con titulación, formación e experiencia.

As prazas son limitadas, aínda que poderán solicitar a participación das súas crianzas todas aquelas familias que estén interesadas, sendo gratuita e prioritaria para aquelas empadroadas no concello de A Bola. Para ter máis información, obter a ficha de inscrición ou solicitar información relativa aos prezos para as familias non empadroadas, podedes dirixirvos en persoa ás oficinas municipais situadas en Campo de Veiga nº4, contactar por teléfono (988451293 / 604037952) ou escribir un corre electrónico (educacionfamiliar@concelloabola.gal).

CAMPAMENTO DE SEMANA SANTA «ESPAZO MEDRANDO XUNT@S»

CAMPAMENTO DE SEMANA SANTA «ESPAZO MEDRANDO XUNT@S»

Nesta Semana Santa coincidindo coas vacacións lectivas dos cativos e cativas, o concello de A Bola ofrece un campamento para buscar a conciliación da vida laboral, persoal e familiar das familias do concello. Levaranse a cabo nos días 11, 12, 13 e 18 de abril, en horario de 10h. a 14h., actividades de diverso tipo das que poderán disfrutar os nenos e nenas participantes: informática, ioga, traballo e coñecemento das emocións, contacontos e creacións literarias, xinkanas e rastrexos… As familias interesadas deben anotarse previamente ata este venres día 8 de abril chamando aos números 988451293 ou 604037952, ou escribindo un correo electrónico a: biblioteca@concelloabola.gal.

ACTIVIDADES DE VERÁN NO «ESPAZO MEDRANDO XUNT@S»

ACTIVIDADES DE VERÁN NO «ESPAZO MEDRANDO XUNT@S»

Un ano máis o concello de A Bola pon en marcha as actividades dirixidas á infancia dentro do seu «Espazo Medrando Xunt@s» en época estival promovendo a conciliación das familias do municipio e dinamizando o lecer e tempo libre das súas crianzas.

Estas actividades darán comezo o vindeiro 28 de xuño e rematarán o 3 de setembro. Serán de luns a venres en horario de 9:45h a 13:15h. con prazas limitadas e coma sempre cumprindo cos protocolos vixentes contra a Covid-19 en canto a hixiene e seguridade.

Para solicitar a instancia de inscrición ou pedir máis información pódese contactar por correo electrónico: educacionfamiliar@concelloabola.gal, ou por teléfono no 988451293 (extensión 4) ou no 604037952 (aquí tamén atendemos mensaxes de whatsapp e telegram). AS PRAZAS SON LIMITADAS! O prazo de inscrición será ata o mércores 23 de xuño ás 14h.

Esperámoste!

ACTIVIDADES DE LECER E EDUCATIVAS PARA AS CRIANZAS ESTA SEMANA SANTA NO CONCELLO DE A BOLA

ACTIVIDADES DE LECER E EDUCATIVAS PARA AS CRIANZAS ESTA SEMANA SANTA NO CONCELLO DE A BOLA

O concello de A Bola, seguindo a liña de promover iniciativas e espazos para fomentar a conciliación laboral, familiar e pesoal das veciñas e veciños do municipio, abre novamente o Espazo «Medrando Xunt@s» para levar a cabo actividades de lecer e tempo libre socioeducativas dirixidas a crianzas de entre 3 e 12 anos de idade os días 29, 30 e 31 de marzo e 5 de abril en horario de 9:45h. a 13:15h. coincidindo coas vacacións lectivas.

Para poder asistir, é preciso realizar unha inscrición previa para a cal pódese chamar ao 988451293 (extensión 4) ou ben escribindo un correo electrónico á dirección: biblioteca@concelloabola.gal, onde tamén se dará toda a información que se precise ao respecto destas actividades.

O día que rematará o prazo de inscrición será o xoves 25 de marzo ás 14h. e haberá prazas limitadas respectando o aforo e ratio máximo para dita actividade, e seguindo no seu desenrolo o correspondente protocolo de seguridade e hixiene ante a Covid-19.