Ao longo das 59 edicións do Día das Letras Galegas foron soamente 5 mulleres a homenaxeadas (incluíndo a Xela Arias, á que se lle adica este ano 2021). Neste vídeo facemos un pequeno resumo de quen foron estas autoras destacadas:
O vindeiro día 10 de maio transmitiremos a seguinte sesión en liña da nosa Escola de Familias, que será «Resolución de conflitos en positivo», tratando de desmitificar o que para moitxs de nós é un conflito e vendo a súa parte positiva, a oportunidade que trae consigo se se resolve a través de ferramentas axeitadas. Desta volta será Sanua G. Saberi, psicóloga da Asociación Xarela de Ourense.
Para poder visualizar esta sesión, é preciso inscribirse previamente e ata o venres 7 de maio, ben chamando por teléfono ao 988451293 ou 604037952 (aquí tamén por mensaxe de Whatsapp ou Telegram), ou ben escribindo un correo electrónico a: educacionfamiliar@concelloabola.gal
Autora de obras ítegramente escritas en galego, tamén destacou por ser directora de teatro e radio, creando o primeiro espazo radiofónico adicado ás mulleres e o primeiro programa realizado e emitido por completo no noso idioma. Descubre máis sobre Xohana Torres vendo o noso vídeo dentro deste proxecto premendo AQUÍ.
Neste mes de abril poñeremos en marcha novamente a nosa «Escola de Familias» para este ano 2021. Será o 4º ano no que ofreceremos a nais, pais e educadores/as en xeral a posibilidade de sumarse a esta serie de sesións que buscan formar e informar sobre temáticas de interese para as nosas familias. Tendo en conta a situación actual e facilitando a participación de todos/as, esta edición tamén será en liña, é dicir, sesións gravadas e colgadas na rede para a súa posterior visualización, ao igual que fixemos o ano pasado .
A primeira sesión publicarase o vindeiro luns 19 de abril co título «APRENDENDO A LER AS ETIQUETAS»; nesta sesión falaremos de tipos de produtos, ingredientes que poden ter e como identificar os que poden ser nocivos, desmontaremos mitos e ofreceremos alternativas de alimentación saudable, especialmente para as nosas crianzas. Todo isto e máis da man de Rebeca Bande, unha nai apaixoada da alimentación e nutrición, a educación e a sostibilidade, e que leva anos ofrecendo charlas e formacións sobre esta temática a nais, pais e profesionais relacionados co mundo da educación das crianzas.
Para poder recibir o enlace para a visualización da sesión, é preciso inscribirse previamente ata este venres día 16 de abril chamando ao 988451293 ou 604037952 (tamén whatsapp e telegram), ou escribindo un correo electrónico a: educacionfamiliar@concelloabola.gal.
Con este primeiro vídeo damos comezo a este proxecto de visibilización e reivindicación da figura da muller no eido da creación literaria galega con Filomena Dato Muruais, unha ourensana do SXIX da que non nos podemos esquecer chegado o 8M xa que foi unha escritora comprometida co movemento feminista e en contra dos estereotipos machistas non só nas súas letras senon na súa intensa actividade social e cultural, nuns tempos complexos para este tipo de reivindicacións.
Para ver o vídeo, preme AQUÍ.
Hoxe conmemórase o Día Internacional da Muller, un día moi especial para todas nós, para lembrar que cada día debemos avanzar cara unha realidade máis igualitaria, pola eliminación de todo aquelo que promova a desigualdade e o posicionamento das mulleres en desvantaxe con respecto aos homes (a nivel laboral, familiar, profesional, doméstico, económico, político…). É preciso facer posible unha igualdade de oportunidades real, e isto non é competencia só das propias mulleres, senon que é imprescindible a implicación de toda a sociedade no seu conxunto.
Un dos aspectos importantes para acadar esa igualdade é facer visible o papel da muller en ámbitos nos que non soe verse recoñecida, a pesares das súas importantes e numerosas aportacións ao longo da historia.
Neste senso, dende o concello de A Bola queremos contribuir a esta visibilización, e aproveitando esta importante data e co gallo da adicación do Día das Letras Galegas 2021 a unha muller, Xela Arias, daremos comezo ao proxecto «Mulleres galegas nas letras» para recoñecer e reivindicar o papel da muller no eido da creación literaria galega. Así, cada semana dende o 8 de marzo ata o 17 de maio, daremos a coñecer unha autora galega tanto histórica coma contemporánea, descubrindo así o talento e potencial da nosa literatura escrita por mulleres.
Feliz Día, a todas!
