O vindeiro mércores día 29 de xuño en horario de 10:30h a 12:00h, o local social de Veiga (baixo concello) acollerá unha xornada de orientación laboral a todas as persoas interesadas en asistir que estén desempregadas ou en mellora de emprego e que teñan algún tipo de discapacidade ou que se atopen en situación de incapacidade laboral. Nesta sesión, un técnico da Fundación ONCE ofrecerá a todas as persoas asistentes tamén a posibilidade de incluírse nunha bolsa de emprego que dita fundación posúe e á que moitas empresas de diferentes sectores acoden para buscar posibles traballadores/as, polo que pode ser unha boa oportunidade para todas aquelas persoas que cumplan o citado perfil e estén en busca de emprego.
Para ter máis información pódese chamar ao concello en horario de oficina (988451293), ao móbil do concello (604037952, tamén whatsapp e telegram) ou ben enviar un correo electrónico a: educacionfamiliar@concelloabola.gal.
O vindeiro xoves día 30 de xuño, a partires das 18:30h. o noso concello acollerá unha festiña de comezo do verán: «PEQUE DISCO MOC MOC» virá dinamizar aos cativos e non tan cativos animándoos a bailar divertidas coreografías con música moi animada, e tamén disfrutar cun espectáculo de malabares sorprendente. Pode asistir todas aquelas persoas que o desexen xa que a entrada é libre!
Todo elo está organizado dentro do proxecto «A Biblioteca de Verán da Bola» que levará a biblioteca á Área Recreativa do río Orille ao longo deste verán 2022. Esta iniciativa está cofinanciada a través do programa «Ler Conta Moito» da Xunta de Galicia e a través da Rede de Bibliotecas Públicas de Galicia, da que forma parte a Biblioteca Pública Municipal de A Bola.
Os vindeiros 11 e 12 de xuño o concello de A Bola acollerá o rally «XI Subida O Furriolo», retomando esta competición cuxa anterior edición remóntase ao ano 2015.
O sábado faranse as dúas primeiras mangas de adestramento, e o domingo as outras dúas, saíndo dende a localidade de Veiga e percorrendo 5km ao longo da estrada OU-131 de cara ao Alto do Furriolo, e supoñendo unha das subidas máis bonitas que existen na actualidade en Galicia. O firme está en perfecto estado e existen numerosas zonas seguras onde os/as afecionados/as poderán disfrutar desta competición.
Organizada pola escudería «Seat Celanova Motor» coa colaboración de «HC Competición», suporá esta a segunda proba do Campionato de Galicia de Montaña (que comezou en Oia hai dúas semanas).
Con motivo da celebración do Día das Letras Galegas neste 2022 o concello de A Bola ofrecerá á veciñanza unha exposición interactiva sobre o autor homenaxeado, Florencio Delgado Gurriarán, e tamén actividades que misturarán as novas tecnoloxías con xogos para coñecer un pouco máis a este escritor.
A exposición, ubicada na pranta baixa do edificio da biblioteca, estará aberta dende hoxe día 9 ata o remate do mes o día 31, en horario de 9h. a 14h. (excepto os días 10, 12, 24 e 26 que estará aberta en horario de tarde, de 15h. a 20h.) e nela poderase facer un percorrido pola vida de Delgado Gurriarán, sabendo máis sobre a súa vida e obra, podendo ter acceso a códigos QR cos que se accederá a novos contidos relacionados. Esta exposición realízase coa colaboración da Consellería de Dinamización Lingüística e da Biblioteca Municipal.
A actividade do día 24 de maio será realizada na Aula CeMIT municipal (sita no edificio da biblioteca) e está dirixida a crianzas e tratará de facer que a través de xogos e actividades realizadas cos ordenadores poidan coñecer un pouco máis a Florencio Delgado Gurriarán de xeito lúdico.
O acceso á exposición interactiva é libre, e para a actividade do día 24 é preciso inscrición previa por teléfono (988451293 ou 604037952) ou por correo electrónico (biblioteca@concelloabola.gal) xa que as prazas son limitadas.
Sendo conscientes do incremento deste gasto dentro dos nosos fogares e da incertidume e descoñecemento que moita xente ten de parte dos conceptos que veñen reflectidos na actual factura da luz, esta sesión formativa e informativa levada a cabo por un profesional experto no sector trataremos de axudar a aquelas persoas que participen dela que poidan comprender con maior claridade a súa factura da luz, ademáis de poder esclarecer todas as dúbidas que ao respecto poida presentar. Ademáis, tamén se expoñerá o estado actual e previsto do mercado da electricidade (tarifas, taxas, modalidades…) e facilitará a quen asista para que poida axustar os servizos que ten contratados para os que realmente precisa e para o tipo de consumo que realiza. Haberá tamén un apartado específico para falar do Bono Social Eléctrico (en qué consiste, condicións para ser beneficiario/a e como solicitalo).
Levarase a cabo o martes día 26 de abril ás 10:30h. A sesión terá unha hora e media de duración, e as prazas son limitadas, sendo preciso realizar inscrición previa para poder participar (por teléfono chamando ao 988451293 ou 604037952, ou ben por correo electrónico: educacionfamiliar@concelloabola.gal)
Nesta Semana Santa coincidindo coas vacacións lectivas dos cativos e cativas, o concello de A Bola ofrece un campamento para buscar a conciliación da vida laboral, persoal e familiar das familias do concello. Levaranse a cabo nos días 11, 12, 13 e 18 de abril, en horario de 10h. a 14h., actividades de diverso tipo das que poderán disfrutar os nenos e nenas participantes: informática, ioga, traballo e coñecemento das emocións, contacontos e creacións literarias, xinkanas e rastrexos… As familias interesadas deben anotarse previamente ata este venres día 8 de abril chamando aos números 988451293 ou 604037952, ou escribindo un correo electrónico a: biblioteca@concelloabola.gal.
