A actuación de «Mellora do sistema de depuración de augas residuais en Podentes» no concello de A Bola é posible grazas ao apoio financeiro da Unión Europea e busca dotar dun mellor servizo de depuración de augas residuais aos veciños e veciñas deste pobo no noso municipio.
A actuación de «Mellora do abastecemento ós pobos de Seara e de Veiga» no concello de A Bola é posible grazas ao apoio financeiro da Unión Europea e busca dotar dun mellor servizo de abastecemento aos veciños e veciñas destes dous pobos ubicados no noso municipio.
Un ano máis o concello de A Bola pon en marcha as actividades dirixidas á infancia dentro do seu «Espazo Medrando Xunt@s» en época estival promovendo a conciliación das familias do municipio e dinamizando o lecer e tempo libre das súas crianzas.
Estas actividades darán comezo o vindeiro 28 de xuño e rematarán o 3 de setembro. Serán de luns a venres en horario de 9:45h a 13:15h. con prazas limitadas e coma sempre cumprindo cos protocolos vixentes contra a Covid-19 en canto a hixiene e seguridade.
Para solicitar a instancia de inscrición ou pedir máis información pódese contactar por correo electrónico: educacionfamiliar@concelloabola.gal, ou por teléfono no 988451293 (extensión 4) ou no 604037952 (aquí tamén atendemos mensaxes de whatsapp e telegram). AS PRAZAS SON LIMITADAS! O prazo de inscrición será ata o mércores 23 de xuño ás 14h.
Esperámoste!
O vindeiro luns 7 de xuño editarase a última sesión da nosa 4ª edición da Escola de Familias; desta volta falaremos con Montse Dafonte, farmacéutica no concello de A Bola (concretamente no lugar de Podentes) sobre o uso que soemos facer a cidadanía cos medicamentos. Haberá temas tan interesantes como saber que pode suceder cando decido por vontade propia parar de tomar unha medicación que me receitou a/o médica/o, ou se me tomo aquelas pastillas que me dixo unha amizade que eran boas para ese problema que eu teño, sobre prospectos e xestión de medicamentos caducados, se é bo ou non tomar paracetamol antes da vacina contra a Covid-19, ou como elaborar un botiquín caseiro que sexa ben completo… Queredes saber sobre todo isto e máis cousiñas de interese? Non dubidedes en inscribirvos a esta sesión ANTES DESTE VENRES DÍA 4 DE XUÑO, enviando un correo electrónico a: educacionfamiliar@concelloabola.gal, chamando ao 988451293 (extensión 4) ou ao 604037952 (aquí tamén atendemos mensaxes de Whatsapp e Telegram).
E por fin chegamos á homenaxeada deste ano 2021: Xela Arias Castaño. Con este vídeo, rematamos este Proxecto Mulleres Galegas nas Letras que dende o concello impulsamos neste ano, tratando de dar visibilidade ás autoras galegas nas nosas letras e promocionando o coñecemento das figuras femininas destacadas en ámbitos da cultura onde durante moitos anos quedaron (e quedan) invisibilizadas, desta volta, no sector literario.
Ao longo das 59 edicións do Día das Letras Galegas foron soamente 5 mulleres a homenaxeadas (incluíndo a Xela Arias, á que se lle adica este ano 2021). Neste vídeo facemos un pequeno resumo de quen foron estas autoras destacadas:
