O noso concello poñerá en funcionamento durante os meses de xullo, agosto e ata o 8 de setembro un servizo de atención a crianzas que abarcará horario de mañá e horario de tarde, para favorecer a conciliación entre a poboación municipal. Este servizo de conciliación ao que cada verán unha vintena de familias recorren para poder compaxinar a súa vida laboral, familiar e persoal, verase mellorado en canto a horario de atención (un total de 8 horas diarias) e tamén a número de familias que se poidan beneficiar do mesmo (prinicipalmente aquelas con horario partido, turnos de traballo rotativos…).
As familias que desexen solicitar praza neste servizo poderán elexir por semanas ou quincenas, nunha quenda ou nas dúas segundo precise, e para elo deberán cubrir un formulario que poderán descargar da nosa sede electrónica ou solicitalo chamando ao 988451293 ou 604037952, ou no correo: educacionfamiliar@concelloabola.gal, onde tamén poderán ter máis información sobre o servizo.
O PRAZO DE SOLICITUDES SERÁ DENDE HOXE LUNS DÍA 12 DE XUÑO ATA O VENRES 23 DE XUÑO.
Xa queda menos para que acabe o curso escolar, e para que comecen as vacacións! E na Bola queremos celebrar coa rapazada e as familias que xa comeza o verán acompañados de Xoán Curiel que nos vai contar, a ritmo de música, cómo montou montar a nosa banda de verán. Contadiña, cancións, baile… Todo isto para dar comezo un ano máis á nosa Biblioteca de Verán, e será o xoves 29 de xuño na Área Recreativa da Bola dende as 18:30h. Esperámoste!
(*Aínda que esperamos que faga moi bo día para esta festa, en caso de que chova non preocuparse! Temos un plan B preparado para trasladarnos á nave de Cacabelos, a só uns metros da área recreativa. Para que nada pare a festa!).
O vindeiro martes día 16 ás 16:30h. levaremos a cabo no local social de Veiga (baixo concello) unha serie de actividades de dinamización lingüística para conmemorar o Día das Letras Galegas coas crianzas de 3 a 12 anos que se animen a participar. Trátase dunha actividade gratuita con límite de prazas e con inscrición previa que se debe facer por teléfono (988451293 ou 604037952) ou por correo electrónico (educacionfamiliar@concelloabola.gal).
O concello de A Bola iniciará próximamente un Proxecto de Promoción da Saúde e Envellecemento Saudable entre a súa veciñanza adulta e maior que acollerá actividades como baños termais, tratamentos terapéuticos e actividades de lecer e tempo libre grupais entre as persoas participantes.
Todos aqueles veciños e veciñas que queiran participar, poden poñerse en contacto co concello (988451293) en horario de oficina para ter máis información e/ou anotarse e comunicar o interese.
Un ano máis, dentro do Programa Municipal de Fomento da Conciliación do concello de A Bola, realizarase un campamento polo periodo non lectivo de Semana Santa dirixido ás familias con menores de entre 3 e 12 anos de idade. Durante os días 3, 4, 5 e 10 de abril, en horario de 10:15h a 12:45h, as crianzas asistentes realizarán xogos, manualidades, xinkanas… e tamén terán unha xornada lúdica con novas tecnoloxías.
O prazo para anotarse será ata o día 27 do presente mes de marzo e deberán facelo contactando co concello no 988451293 ou o 604037952 (neste móbil tamén a través de whatsapp) ou a través do correo: educacionfamiliar@concelloabola.gal
AS PRAZAS SON LIMITADAS! A asistencia será gratuita para empadroad@s, e @s non empadroad@s deberán aboar 10€ por neno/a participante.
Este mércores día 8 de marzo levarase a cabo no Local Social de Veiga (baixo do concello) unha actividade temática de igualdade de 16:30h a 17:30h. Para poder participar é preciso inscribirse previamente por teléfono (988451293 ou 604037952) ou correo eletrónico (educacionfamiliar@concelloabola.gal).
