O concello de A Bola, seguindo a liña de promover iniciativas e espazos para fomentar a conciliación laboral, familiar e pesoal das veciñas e veciños do municipio, abre novamente o Espazo «Medrando Xunt@s» para levar a cabo actividades de lecer e tempo libre socioeducativas dirixidas a crianzas de entre 3 e 12 anos de idade os días 29, 30 e 31 de marzo e 5 de abril en horario de 9:45h. a 13:15h. coincidindo coas vacacións lectivas.
Para poder asistir, é preciso realizar unha inscrición previa para a cal pódese chamar ao 988451293 (extensión 4) ou ben escribindo un correo electrónico á dirección: biblioteca@concelloabola.gal, onde tamén se dará toda a información que se precise ao respecto destas actividades.
O día que rematará o prazo de inscrición será o xoves 25 de marzo ás 14h. e haberá prazas limitadas respectando o aforo e ratio máximo para dita actividade, e seguindo no seu desenrolo o correspondente protocolo de seguridade e hixiene ante a Covid-19.
Con este primeiro vídeo damos comezo a este proxecto de visibilización e reivindicación da figura da muller no eido da creación literaria galega con Filomena Dato Muruais, unha ourensana do SXIX da que non nos podemos esquecer chegado o 8M xa que foi unha escritora comprometida co movemento feminista e en contra dos estereotipos machistas non só nas súas letras senon na súa intensa actividade social e cultural, nuns tempos complexos para este tipo de reivindicacións.
Hoxe conmemórase o Día Internacional da Muller, un día moi especial para todas nós, para lembrar que cada día debemos avanzar cara unha realidade máis igualitaria, pola eliminación de todo aquelo que promova a desigualdade e o posicionamento das mulleres en desvantaxe con respecto aos homes (a nivel laboral, familiar, profesional, doméstico, económico, político…). É preciso facer posible unha igualdade de oportunidades real, e isto non é competencia só das propias mulleres, senon que é imprescindible a implicación de toda a sociedade no seu conxunto.
Un dos aspectos importantes para acadar esa igualdade é facer visible o papel da muller en ámbitos nos que non soe verse recoñecida, a pesares das súas importantes e numerosas aportacións ao longo da historia.
Neste senso, dende o concello de A Bola queremos contribuir a esta visibilización, e aproveitando esta importante data e co gallo da adicación do Día das Letras Galegas 2021 a unha muller, Xela Arias, daremos comezo ao proxecto «Mulleres galegas nas letras» para recoñecer e reivindicar o papel da muller no eido da creación literaria galega. Así, cada semana dende o 8 de marzo ata o 17 de maio, daremos a coñecer unha autora galega tanto histórica coma contemporánea, descubrindo así o talento e potencial da nosa literatura escrita por mulleres.
No concello de A Bola temos unha Meca moi particular, que lle gusta moito que a saúden e coñecer xente, e tamén tomarse un refresquiño ao sol ás portas do edificio consistorial, xa que a hostalería aínda permanece pechada e reivindicando a pronta saída desta crise e volta a poder atoparnos novamente… Iso si, con todas as medidas de seguridade! ;-P
Esta Meca foi creada polas nosas crianzas que vos indican, tal e como di o cartaz que leva consigo a figura: «Se ao noso concello queres entrar, á Meca debes saudar; se no noso concello queres permanecer, á Meca debes coñecer». Así que xa estades a tardar en visitala, saudala, e sacarvos unha fotiño con ela (podedes etiquetarnos nas nosas redes sociais de Facebook e Instagram!)
Que pasedes un feliz Entroido! A pesares das circunstancias, que poidades disfrutalo con sentidiño, respectando todas as medidas de seguridade pero nunca perdendo a ilusión!
O concello de A Bola poñerá en funcionamento no presente mes de xaneiro un novo servizo de acompañamento e apoio eductivo para as crianzas menores do municipio que estén a cursar estudos de primaria co obxectivo de proporcionarlles un apoio na realización de tarefas educativas e tamén de creación dun espazo acompañado onde desenvolver outros contidos e habilidades educativas transversais (habilidades sociais, educación para a saúde, expresión artística, etc.)
Para ter máis información e realizar as correspondentes inscricións, hai que poñerse en contacto co concello en horario de oficina de luns a venres nos teléfonos: 988451293 ou 604037952 (este último tamén por Whatsapp ou Telegram), ou por correo electrónico a: educacionfamiliar@concelloabola.gal
O vindeiro martes día 29 de decembro de 10:30h a 12:30h as crianzas do concello poderán disfrutar na aula CeMIT municipal dunha xornada utilizando as TIC´s para divertirse e de paso escribirlle unha carta a través de Internet ás súas maxestades os Reis Magos de Oriente. Todo elo con temática de Nadal, para seguir disfrutando destas datas tan especiais para todas elas.
