O vindeiro martes día 13 de abril darán comezo as sesións de ximnasia de mantemento ás que se pode anotar toda persoa que así o desexe, sen límite de idade. Os exercicios que se realizarán estarán adaptados ao grupo de participantes, tendo en conta limitacións, doenzas, etc. e tamén aspectos precisos a traballar. As sesións serán moi dinámicas e divertidas, na liña do que se viña realizando en edicións anteriores, así que… a que esperas para anotarte?
As prazas serán limitadas, realizarase en entorno aberto con distancia de seguridade e respectando as medidas establecidas para este tipo de actividades en relación aos protocolos ante a Covid-19.
Para máis información e inscricións, chamar ao concello (988451293) ou ao 604037952. Tamén se pode escribir un correo electrónico a: educacionfamiliar@concelloabola.gal. Non hai límite de prazo para anotarse, así que calquera persoa se pode unir á actividade durante os meses que se realiza sempre e cando haxa praza dispoñible.
María Xosé Queizán é unha voz fundamental do movemento feminista, e tamén unha autora moi polifacética: profesora de instituto, directora de teatro e actriz, directora de sala de arte, conferenciante… Imos coñecela un pouco máis, vendo este vídeo premendo AQUÍ.
Desta volta, adicámoslle o segundo vídeo no noso proxecto «Mulleres Galegas nas Letras» a Marina Mayoral. Tal e como se di nel, animádevos a descubrila tanto a través das súas obras literarias como das súas publicacións e colaboracións en diarios, redes sociais, artigos de opinión, etc. Pinchade aquí para ver o vídeo: MARINA MAYORAL
O concello de A Bola, seguindo a liña de promover iniciativas e espazos para fomentar a conciliación laboral, familiar e pesoal das veciñas e veciños do municipio, abre novamente o Espazo «Medrando Xunt@s» para levar a cabo actividades de lecer e tempo libre socioeducativas dirixidas a crianzas de entre 3 e 12 anos de idade os días 29, 30 e 31 de marzo e 5 de abril en horario de 9:45h. a 13:15h. coincidindo coas vacacións lectivas.
Para poder asistir, é preciso realizar unha inscrición previa para a cal pódese chamar ao 988451293 (extensión 4) ou ben escribindo un correo electrónico á dirección: biblioteca@concelloabola.gal, onde tamén se dará toda a información que se precise ao respecto destas actividades.
O día que rematará o prazo de inscrición será o xoves 25 de marzo ás 14h. e haberá prazas limitadas respectando o aforo e ratio máximo para dita actividade, e seguindo no seu desenrolo o correspondente protocolo de seguridade e hixiene ante a Covid-19.
Con este primeiro vídeo damos comezo a este proxecto de visibilización e reivindicación da figura da muller no eido da creación literaria galega con Filomena Dato Muruais, unha ourensana do SXIX da que non nos podemos esquecer chegado o 8M xa que foi unha escritora comprometida co movemento feminista e en contra dos estereotipos machistas non só nas súas letras senon na súa intensa actividade social e cultural, nuns tempos complexos para este tipo de reivindicacións.
Hoxe conmemórase o Día Internacional da Muller, un día moi especial para todas nós, para lembrar que cada día debemos avanzar cara unha realidade máis igualitaria, pola eliminación de todo aquelo que promova a desigualdade e o posicionamento das mulleres en desvantaxe con respecto aos homes (a nivel laboral, familiar, profesional, doméstico, económico, político…). É preciso facer posible unha igualdade de oportunidades real, e isto non é competencia só das propias mulleres, senon que é imprescindible a implicación de toda a sociedade no seu conxunto.
Un dos aspectos importantes para acadar esa igualdade é facer visible o papel da muller en ámbitos nos que non soe verse recoñecida, a pesares das súas importantes e numerosas aportacións ao longo da historia.
Neste senso, dende o concello de A Bola queremos contribuir a esta visibilización, e aproveitando esta importante data e co gallo da adicación do Día das Letras Galegas 2021 a unha muller, Xela Arias, daremos comezo ao proxecto «Mulleres galegas nas letras» para recoñecer e reivindicar o papel da muller no eido da creación literaria galega. Así, cada semana dende o 8 de marzo ata o 17 de maio, daremos a coñecer unha autora galega tanto histórica coma contemporánea, descubrindo así o talento e potencial da nosa literatura escrita por mulleres.
