Este xoves día 25 de maio ás 11h. levarase a cabo na Aula CeMIT municipal (baixo do edificio da biblioteca municipal) unha xornada informativa para dar a coñecer a «AULA MENTOR» da Bola, o servizo de formación recentemente estreado no concello . Se estás interesado/a en aumentar a túa formación, especializarte nalgún tema en concreto, se precisas facer cursos relacionados coa túa profesión… e todo isto a través de Internet e apoiado por tutores/as e sen moverte do concello, esta iniciativa pode interesarte moito!
Esta iniciativa é posta en marcha polo concello da Bola coa financiación do Ministerio de Educación, e ven a ser unha vía de acceso a numerosos cursos formativos oficiais en modalidade en liña que pode realizar toda persoa que esté interesada.
Para coñecer toda esta información (como funciona, os cursos que hai, como hai que facer para matricularse…) animádevos a asistir a esta breve reunión informativa, onde tamén poderedes coñecer as intalacións da CeMIT municipal e formular todas aquelas preguntas que precisedes aclarar sobre a Aula Mentor.
O vindeiro martes día 16 ás 16:30h. levaremos a cabo no local social de Veiga (baixo concello) unha serie de actividades de dinamización lingüística para conmemorar o Día das Letras Galegas coas crianzas de 3 a 12 anos que se animen a participar. Trátase dunha actividade gratuita con límite de prazas e con inscrición previa que se debe facer por teléfono (988451293 ou 604037952) ou por correo electrónico (educacionfamiliar@concelloabola.gal).
A Aula Mentor é unha iniciativa do Ministerio de Educación que xunto a colaboración con Comunidades Autónomas, Entidades Locais Territoriais e Organizacións non gubernamentais xerando un novo sistema de formación aberta de forma flexible.
Proporciona unha vía de formación non regrada con atención tutorial a distancia a través dunha plataforma de aprendizaxe onde podemos acceder a máis de 200 cursos de formación.
Asimesmo cóntase cunha Aula Mentor física, para axudar a usuarios interesados en ditas formacións e contribuir así á disminución da brecha dixital.
O concello de A Bola, en colaboración coa asociación ACAS de Saumede, quere iniciar este proxecto de voluntariado para a promoción do uso de fitosanitarios sostibles entre a poboación municipal. Para levalo a cabo, é preciso contar cun grupo de persoas voluntarias que recibirían unha formación gratuita completa na elaboración e aplicación destes fitosanitarios para logo facer un seguemento e implementación do proxecto.
As persoas que estén interesadas en formar parte deste grupo deben poñerse en contacto co concello antes do 30 de marzo en horario de oficina nos teléfonos: 988451293 ou 604037952.
