Dende hoxe será obrigado o uso de mascarillas en persoas de 6 anos en adiante na vía pública, en espazos ao ar libre e en calquera espazo pechado de uso público ou que se atope aberto ao público, sempre que non sexa posible manter unha distancia de seguridade interpersoal de alomenos 2 metros, sendo recomendable o seu uso (non obrigado) para a poboación infantil entre 3 e 5 anos.
Excepciónase desta obriga a aquelas persoas que presenten algún tipo de dificultade respoiratoria que poida verse agravada polo uso da mascarilla e aquelas cuxo uso se atope contraindicado por motivos de saúde ou discapacidade.
Asimesmo, o seu uso non será esixible no desenvolvemento de actividades que resulten incompativles, tales como a inxesta de alimentos e bebidas, así como en circunstancias nas que se esixa unha causa de forza maior ou situación de necesidade.
Acceso á publicación desta Orde no Boletín Oficial do Estado premendo AQUÍ
O Pleno do Concello da Bola, na sesión ordinaria que tivo lugar o día 23 de decembro de 2019, aprobou inicialmente o Plan municipal de prevención e defensa contra os incendios forestais nas faixas secundarias dos núcleos rurais do Concello da Bola, para o establecemento dun sistema público de xestión de biomasa nas faixas secundarias. Este plan exponse ao público durante o prazo de 20 días hábiles, que empezará a contar a partir do día seguinte ao da inserción deste edicto no BOP, para que durante o devandito prazo poida ser examinado e poidan formularse as alegacións e reclamacións que se estimen pertinentes polos que se consideren interesados. O plan estará exposto fisicamente durante o mencionado prazo nas oficinas da casa do concello en horario de 9:00 a 14:00 horas de luns a venres.
Este domingo, día 17 de maio, como cada ano celébrase o Día das Letras Galegas. Este ano homenaxéase ao filólogo e escritor coruñés Don Ricardo Carvalho Calero, que xa dende moi novo destacou en diversos xéneros literarios.
Dende o Concello de A Bola, preparamos para celebrar este día un vídeo poema recitado polos nosos veciños e veciñas, concretamente o titulado «Ferrol 1916» no que Carvalho Calero rememora detalles da súa infancia na súa terra natal. Podedes velo premendo no seguinte enlace:
Moitas grazas ás familias participantes deste vídeo, e a toda a nosa veciñanza, porque son portadora e valedora deste ben inmaterial que é a nosa fala galega.
Hoxe celébrase o Día Internacional das Familias, e queremos resaltar coma sempre o papel tan fundamental que ten esta figura na nosa sociedade, como motor de progreso e de benestar.
Este ano, tocounos vivir unha situación excepcional, unha crise sanitaria debido ao COVID-19 que obrigou a todas e todos a poñer en marcha todos os recursos habidos e por haber para manter unha situación social, laboral e famliar complexa, na que as crianzas foron as grandes heroínas co seu exemplo de adaptación.
Dende o concello de A Bola, a través do Programa de Educación e Apoio Familiar Municipal, queremos rendir homenaxe a todas elas novamente coñecendo a súa visión do vivido e do que están a vivir, e por iso, convocamos hoxe o que chamamos «FESTIVAL GRÁFICO: Quedamos na Casa», que virá a ser unha galería de vivencias, de impresións, de expresión… a través de debuxos e fotografías que nos acheguen daquelo que represente esta temporada nas vidas de cada un/a nos seus domicilios, nas súas vilas.
Máis información e envío de debuxos e fotos a través do 988451293, do 604037952 (tamén whatsapp) e no correo: educaciónfamiliar@concelloabola.gal
A partires de hoxe, luns 11 de maio, a atención nas dependencias muinicipais será realizada preferentemente solicitando cita previa (sempre que sexa posible e os motivos de urxencia non o impidan) chamando ao 988451293.Asimesmo, as persoas que se acheguen a ser atendidas, deberán levar posta mascarilla (se non a posuísen, deberán comunicalo previamente a ser atendidas).
