No Boletín Oficial do Estado publicado onte, domingo día 25 de outubro de 2020, publicouse o Real Decreto 926/2020, de 25 de octubre, polo que se declara o estado de alarma para conter a propagación de infeccións causadas polo SARSCoV-2. Este RD recolle unha serie de medidas referidas a:
Limitación de horarios para transitar por vías ou espazos públicos, con toque de queda entre as 23h. e as 6h. (con excepcións relativas a traballo, saúde, compras de urxencia…)
Limitación de entrada e saída das comunidades autónomas e cidades con Estatuto de Autonomía (como é o caso da nosa),
Limitación de permanencia de grupos de persoas en espazos públicos e privados (ter en conta que a restrición xa establecida para Galicia está en 5)
Limitación á permanencia de persoas en lugares de culto
Para ler todo o texto completo, podedes picar AQUÍ e acceder á publicación do Real Decreto. Convidamos ás nosas veciñas e veciños a que respecten estas medidas, á vez que transmitimos moito ánimo e forza para superar esta segunda ola, que co esforzo de tod@s poderemos superar.
Con previsión de estar lista para o verán de 2021, a área recreativa Ponte Barbón da Bola contará cunha pista multideporte, respondendo ás peticións que a alcaldesa recibiu durante diversas reunións e encontros con veciñanza nos últimos tempos, principalmente por parte da xuventude residente no concello, e tamén seguindo cunha política de promoción e fomento da saúde a través da práctica do deporte.
Mediante unha reunión co delegado territorial da Xunta de Galicia en Ourense, Gabriel Alén, a alcaldesa aproveitou para tratar outros temas de importancia para o municipio coma o proxecto de mellora da rede de colectores en diversos núcleos ubicados en tres parroquias, incluíndo a construcción dunha depuradora xunto ao río Ourille.
Acceso á noticia no diario dixital de «La Región» pinchando AQUÍ
O delegado territorial da Xunta de Galicia en Ourense, Gabriel Alén, na súa reunión coa nosa alcaldesa, María Teresa Barge Bello, no día de onte.
O concello de A Bola é unha das entidades locais que está adherida a este Pacto que a nivel europeo agrupa a miles de gobernos locais que de xeito voluntario se comprometen a implantar os obxectivos den materia de clima e de enerxía da Unión Europea.
O lanzamento deste Pacto (en adiante, PACES) tivo lugar por primeira vez en Europa en 2008 co propósito de reunir aos gobernos locais que se comprometesen a implantar estes obxectivos; esta iniciativa non só achegou un enfoque innovador nas accións relacionadas co clima e a enerxía, senon que o seu éxito superou axiña todas as expectativas.
O concello de A Bola sumouse a esta iniciativa no ano 2019, e hoxe en día o PACES reúne máis de 7000 autoridades locais e rexionais de 57 países que aproveitan os puntos fortes dun movemento que involucra a múltiples actores e conta co apoio técnico e metodolóxico de oficinas adicadas a este fin.
Para ter máis información ao respecto do PACES (orixe, obxectivos, comunidade en Galicia, eventos…) pódese consultar a páxina oficial na nosa comunidade premendo no seguinte enlace:
O vindeiro luns día 19 de outubro darán comezo dous cursos que se celebrarán de xeito simultáneo de luns a venres en horario de mañá e ata finais do mes de novembro na nosa aula CeMIT. O principal obxectivo destes cursos será O obxectivo principal será que o alumnado poida poida manexar de xeito autónomo un dispositivo informático, para poder empregalo no seu día a día e a cotío de maneira útil.
Curso de iniciación á informática (30h): Manexo e Navegación do monitor e o escritorio, iconos e funcionalidade, Hardware básico, Ofimática Básica con Word, Excel e PowerPoint, Principios de Ciberseguridade, Xestión de arquivos e carpetas.
Curso de iniciación a internet (31h): Manexo e Navegación por internet, Tramitacións burocráticas e operacionaís por internet (chave 365, facenda, citas no Sergas, pago de impostos, permisos, licencias,etc), Sistemas de pagamento electrónico, Busquedas correctas de información de interese e de medios dixitais, Correo Electrónico, Cloud Computing e Google Suite.
Para máis información e inscricións, chamar ao 988451293 ou escribir un correo electrónico a: cemit.abola@xunta.gal.
O concello de A Bola, como membro da Rede de Dinamización Lingüística, ofrecerá o vindeiro 9 de outubro ás 20:30h. a estrea en primicia da película inédita en salas de cine «María Solinha», de Ignacio Vilar (Vía Láctea Filmes). Esta longametraxe conta recontrucción da historia de María Soliña, unha viúva da vila de Cangas (Pontevedra) a Inqusición acusou de bruxería e queimou na fogueira no 1621, resultado dun plan amañado pola nobleza canguesa que codizaba os seus bens nunha época de decadenza na vila. A protagonista sofre, no Século XXI, acedos ecos da agresión que sufriu María Solinha no século XVII.
Antes do comezo da proxección, o propio director Ignacio Vilar presentaranos o filme e explicará os pormenores do mesmo, e ao finalizar o visionado da película haberá lugar para un posible coloquio-debate no que poderán participar todas as persoas asistentes.
É unha actividade aberta e gratuita! E forma parte dunha das numerosas actividades que se enmarcan dentro Programa «Fondo de Proxectos Culturais Xacobeo XXI» da Secretaría Xeral de Política Lingüística da Xunta de Galicia.
Por motivos de xestión de aforo, precísase unha inscrición previa que se poderá facer ata o día 8 de outubro (día anterior á proxección) chamando ao 988451293 ou ao 604037952 (tamén Whatsapp).
Esta actividade será realizada baixo todos os controis de seguridade e hixiene precisos ante a COVID-19 (limpeza e distancia de seguridade entre cadeiras, lugar amplo, semiaberto e ventilado, xel hidroalcólico a disposición…) polo que a asistencia á mesma faise totalmente segura.
