A DGT é o organismo que se encarga de emitir o permiso de conducir en España. Para elo, as persoas aspirantes a conductoras deben presentarse a un exame teórico e outro práctico para demostrar os seus coñecementos sobre as normas de circulación e habilidades ao volante.
Para obter os coñecementos precisos para presentarse ao exame, poden prepararse de dúas formas; a través dunha autoescola, onde se encargarán de proporcionar o material preciso, ou senon por libre. Neste último caso, poderán consultar manuais clásicos de circulación e repasar o aprendido con test gratuitos en formato online coma os que aparecen pinchando AQUÍ.
O Concello de A Bola acaba de crear unha canle a través da aplicación de mensaxería instantánea «Telegram» para ofrecer á poboación a posibilidade de estar informada dun xeito máis directo no seu teléfono móbil e ao instante sobre información municipal de interese e as diferentes actividades e iniciativas que se promoven dende o concello para toda a veciñanza.
Para poder recibir deste xeito a información, é preciso descargar a aplicación «Telegram» dende as plataformas Google Play (Android) ou Apple Store (Iphone/Apple) e buscar a nosa canle: https://t.me/ActividadesConcelloABola
Non dubidedes en difundir esta información e compartila con quen pensedes que lle poida resultar de interese!
Con este primeiro vídeo damos comezo a este proxecto de visibilización e reivindicación da figura da muller no eido da creación literaria galega con Filomena Dato Muruais, unha ourensana do SXIX da que non nos podemos esquecer chegado o 8M xa que foi unha escritora comprometida co movemento feminista e en contra dos estereotipos machistas non só nas súas letras senon na súa intensa actividade social e cultural, nuns tempos complexos para este tipo de reivindicacións.
Hoxe conmemórase o Día Internacional da Muller, un día moi especial para todas nós, para lembrar que cada día debemos avanzar cara unha realidade máis igualitaria, pola eliminación de todo aquelo que promova a desigualdade e o posicionamento das mulleres en desvantaxe con respecto aos homes (a nivel laboral, familiar, profesional, doméstico, económico, político…). É preciso facer posible unha igualdade de oportunidades real, e isto non é competencia só das propias mulleres, senon que é imprescindible a implicación de toda a sociedade no seu conxunto.
Un dos aspectos importantes para acadar esa igualdade é facer visible o papel da muller en ámbitos nos que non soe verse recoñecida, a pesares das súas importantes e numerosas aportacións ao longo da historia.
Neste senso, dende o concello de A Bola queremos contribuir a esta visibilización, e aproveitando esta importante data e co gallo da adicación do Día das Letras Galegas 2021 a unha muller, Xela Arias, daremos comezo ao proxecto «Mulleres galegas nas letras» para recoñecer e reivindicar o papel da muller no eido da creación literaria galega. Así, cada semana dende o 8 de marzo ata o 17 de maio, daremos a coñecer unha autora galega tanto histórica coma contemporánea, descubrindo así o talento e potencial da nosa literatura escrita por mulleres.
Dª MARÍA TERESA BARGE BELLO, en calidade de Alcaldesa-Presidenta do Concello de A Bola fai saber que:
Segundo a información remitida pola Xerencia do Sergas de Ourense se inicia a partir de hoxe día 22 de febreiro a vacinación aos nosos maiores do seguinte xeito:
– A vacinación terá lugar no Centro de Saúde de Celanova.
– O primeiro contacto será realizado polos profesionais do equipo de citación, comenzando por aqueles apelidos que comencen pola letra H.
– As listaxes das persoas citadas estarán a disposición do Centro de Saúde, que realizará unha segunda chamada telefónica para confirmar o día e hora de vacinación.
– Esta campaña será realizada polos equipos especiais de vacinación que xa fixeron fronte a vacinación nas residencias sociosanitarias e do persoal dos centros sanitarios de atención primaria e dos hospitais.
Dada a limitación actual do número de vacinas, é preciso organizar este operativo tendo en conta a dispoñibilidade de doses para cada semana.
