O vindeiro luns 20 de xuño, de 17h a 19h levarase a cabo a segunda xornada de creación de cómic dixital na aula Cemit da Bola. A actividade está dirixida a rapaces/as de entre 7 e 13 anos, e quen desexe participar debe contactar co concello no 988451293 ou escribindo un correo a: biblioteca@concelloabola.gal.
Publicada hoxe no BOP de Ourense nº 120 a próxima apertura do período de cobro das taxas de IBI (Imposto de Bens Inmobles) e da recollida de resíduos urbanos para o presente ano 2022. A cobranza en período voluntario terá lugar desde o día 1 de xuño de 2022 ao 31 de agosto de 2022.
Lugar e forma de pagamento: os contribuíntes recibirán no seu domicilio os impresos dos recibos-resgardo de pagamento,
que deberán aboar en calquera oficina de Abanca, Banco Pastor, Banco Popular, BBVA, Banco Santander, Banco SabadellGallego, Caixabank (entidades colaboradoras) ou en calquera oficina da Sociedade Estatal de Correos e Telégrafos, no prazo antes mencionado do 1 de xuño de 2022 ao 31 de agosto de 2022.
Se algún contribuínte non recibe no seu domicilio os referidos impresos, poderá solicitar duplicado nas oficinas de Recadación desta deputación, e advírtese de que o feito de non recibiren os impresos non exime da obrigación de efectuar o pagamento no prazo mencionado, sempre que figure como contribuínte nas listas cobratorias. Para a validez do pagamento, os impresos deben estar referendados por impresión mecánica ou sinatura autorizada da correspondente oficina da entidade bancaria.
Lembramos que a entidade que xestiona esta recadación para o noso concello é a Deputación de Ourense, á que vos poderedes dirixir para resolver dúbidas ou realizar calquera trámite ao respecto desta cobranza (teléfono: 988317720)
Enlace ao BOP: https://bop.depourense.es/portal/descargarPdf.do?numBoletin=120&fecha=20220527
No mes de xuño levaranse a cabo tres xornadas formativas no concello de A Bola relacionadas con traballos forestais:
Estarán impartidas polo «Centro de Desenvolvemento Agroforestal de Riós (Ourense)» en colaboración coa Consellería de Medio Rural e AGACAL. Poderán anotarse todas aquelas en idade laboral que estean interesadas cubrindo un formulario que está dispoñible para descargar na sede electrónica do concello e enviándoo cuberto ao correo: concello@concelloabola.gal, ou tamén cubríndoo e entregándoo en persoa nas dependencias do concello (horario de 9 a 15h. de luns a venres). Para ter máis información, podedes chamar ao 988451293 (extensión 5). As datas límite de inscrición serán do 31 de maio para a xornada do día 2 de xuño, e o día 25 de maio para as outras dúas.
A aula Cemit municipal acollerá os días 25 de maio e 1 de xuño unhas xornadas formativas sobre o uso do caixeiro automático, especialmente dirixida ás persoas maiores e contribuir a evitar os problemas que se atopan coa situación bancaria actual de redución de horas de atención presencial e fomento do uso de máquinas para o manexo de diñeiro.Máis información e inscricións: 988451293 – 604037952 ou biblioteca@concelloabola.gal
Dende mañá martes día 11 e ata o día 31 deste mes de maio a aula CeMIT do concello de A Bola acollerá unha serie de sesións formativas a través da AMTEGA, o CEPEIG e SomosDixital dirixidas a persoas maiores e relacionadas coas novas tecnoloxías orientadas a favorecer o envellecemento saudable. As sesións teñen unha duración media dunha hora e son en horario de mañá.
Para ter máis información sobre as mesmas e anotarse, podedes contactar coa aula CeMIT municipal chamando ao 988451293 ou 604037952, e tamén escribindo un correo electrónico a: biblioteca@concelloabola.gal
