O vindeiro xoves día 30 de xuño, a partires das 18:30h. o noso concello acollerá unha festiña de comezo do verán: «PEQUE DISCO MOC MOC» virá dinamizar aos cativos e non tan cativos animándoos a bailar divertidas coreografías con música moi animada, e tamén disfrutar cun espectáculo de malabares sorprendente. Pode asistir todas aquelas persoas que o desexen xa que a entrada é libre!
Todo elo está organizado dentro do proxecto «A Biblioteca de Verán da Bola» que levará a biblioteca á Área Recreativa do río Orille ao longo deste verán 2022. Esta iniciativa está cofinanciada a través do programa «Ler Conta Moito» da Xunta de Galicia e a través da Rede de Bibliotecas Públicas de Galicia, da que forma parte a Biblioteca Pública Municipal de A Bola.
Por Resolución da alcaldesa, do día 14 de xuño de 2022, aprobáronse as bases para a ampliación da bolsa de emprego de auxiliares para o servizo de axuda no fogar como persoal laboral temporal. A duración da bolsa de emprego será ata o 31/12/2022 e o prazo de presentación das solicitudes deberase facer nos cinco días hábiles seguintes dende hoxe que foi publicado este anuncio no Boletín Oficial da Provincia. Pódense presentar as solicitudes será no Rexistro Xeral do Concello, en horario de 9:00 a 13:00 horas, de luns a venres.
As bases da convocatoria pónse consultar xa presencialmente na casa do concello en horario de oficina e na sede electrónica do Concello da Bola (https://abola.sedeelectronica.gal).
Os vindeiros 11 e 12 de xuño o concello de A Bola acollerá o rally «XI Subida O Furriolo», retomando esta competición cuxa anterior edición remóntase ao ano 2015.
O sábado faranse as dúas primeiras mangas de adestramento, e o domingo as outras dúas, saíndo dende a localidade de Veiga e percorrendo 5km ao longo da estrada OU-131 de cara ao Alto do Furriolo, e supoñendo unha das subidas máis bonitas que existen na actualidade en Galicia. O firme está en perfecto estado e existen numerosas zonas seguras onde os/as afecionados/as poderán disfrutar desta competición.
Organizada pola escudería «Seat Celanova Motor» coa colaboración de «HC Competición», suporá esta a segunda proba do Campionato de Galicia de Montaña (que comezou en Oia hai dúas semanas).
A partires do vindeiro luns día 6 e ata o 24 de xuño estará aberto o prazo de inscrición para a nosa Veranoteca, organizada polo concello de A Bola coa financiación da Xunta de Galicia. Este campamento de verán-ludoteca é unha actividade enmarcada dentro do Programa de Fomento da Conciliación Municipal. Dirixido a crianzas de entre 3 e 12 anos, que poderán disfrutar de obradoiros creativos e literarios, xinkanas e grandes xogos, baile e música, xogos tradicionais e con novas tecnoloxías, dinámicas de educación emocional, cración dunha horta, saídas… Todo isto durante os meses de xullo e agosto, en horario de 10h. a 14h. e sempre da man de profesionais con titulación, formación e experiencia.
Poderán solicitar a participación das súas crianzas todas aquelas familias que estén interesadas, sendo gratuita a participación. Para ter máis información, obter a ficha de inscrición ou solicitar información relativa aos prezos para as familias non empadroadas, podedes dirixirvos en persoa ás oficinas municipais situadas en Campo de Veiga nº4, contactar por teléfono (988451293 / 604037952) ou escribir un corre electrónico (educacionfamiliar@concelloabola.gal).
Para este mes de xuño, a aula Cemit da Bola ten programadas diversas sesións formativas e informativas ás que para poder asistir debe realizarse a correspondente inscrición chamando ao 988451293 ou escribindo un correo electrónico a: cemit.abola@xunta.gal
