A través do programa de Garantía Xuvenil 2025, o Concello da Bola recibe unha subvención da Xunta de Galicia, cofinanciada pola Unión Europea, destinada á contratación de persoas mozas inscritas no Sistema Nacional de Garantía Xuvenil. Neste marco, formalizouse a incorporación dunha técnica de medioambiente, unha figura clave para promover a sustentabilidade local, fomentar a educación ambiental e apoiar proxectos que melloren a relación entre a comunidade e o seu entorno natural. Esta iniciativa contribúe á inserción laboral da mocidade e ao fortalecemento das políticas ambientais no ámbito municipal.
Neste Nadal, o Concello de A Bola convida a todas as aldeas a vestir os seus espazos comúns de ilusión e creatividade, celebrando xuntas a segunda edición do Concurso de Decoración. Máis alá dos premios, esta iniciativa busca fortalecer os lazos entre veciños e veciñas, fomentar o traballo colectivo e encher de luz e esperanza cada recuncho do noso concello. Porque cando a comunidade se une, o espírito do Nadal florece con máis forza ca nunca.
O novo programa TERnadal está subvencionado pola Deputación de Ourense. Inclúe estancias balnearias durante o mes de decembro de 2025 e xaneiro de 2026 con quendas especiais de nadal, fin de ano e reis. O Programa está especialmente pensado para aquelas persoas que desexen pasar algúns días do mes de decembro e das datas do Nadal acompañados nun balneario. O Programa TERnadal inclúe aloxamento, pensión completa, dúas técnicas termais diarias, acceso ás piscinas de auga mineromedicinal termal, asesoramento médico e actividades. O Programa ofrece diferentes quendas de 6 días (5 noites ) e unha quenda especial de 15 días, desde o 23 de decembro ata o 7 de xaneiro.
Solicita información e inscríbete nos Servizos Sociais do Concello de A Bola.
