A Alcaldesa e a Corporación do Concello de A Bola deséxavos un Feliz Nadal e próspero 2024
Obradoiro de creación de adornos de Nadal no «Espazo Mulleres»
Este venres día 15 de decembro ás 11h da mañá teremos unha nova reunión no Espazo Mulleres, desta volta para aprender da man dunha das nosas compañeiras a realizar adornos propios desta época de Nadal que está próxima a chegar. O obradoiro é de libre participación para mulleres do concello, e totalmente gratuito, por suposto! Pasaremos de novo un ratiño xuntas, e que non falte o cafeciño, as infusións e algún rico pasteliño caseiro.
LUDONADAL, actividades de Nadal para as crianzas
Este mes chegará ao noso concello novamente o Ludonadal, as actividades temáticas de Nadal para as crianzas en periodo non lectivo. A participación será gratuita para familias empadroadas no concello, e de pago para o resto (deberán aboar un pago único de 10 euros por participación). É preciso inscribirse para participar, e poderase facer chamando por teléfono ao concello ou enviando un correo electrónico a: educacionfamiliar@concelloabola.gal
