O pasado mércores os cativos e cativas participantes do noso Espazo Medrando Xunt@s do concello de A Bola puideron desfrutar dunha “Festa de Fin de Verán” con hinchables, deslizadora de auga, festa da escuma, xogos, música… todo elo para pechar a tempada de actividades que neste espazo se levaron a cabo durante os meses de verán no municipio para nenos e nenas de entre 3 e 12 anos. Este servizo posto en marcha polo concello veu a ofrecer unha oportunidade de atención á infancia e conciliación para as familias do municipio, ás que lle agradecemos de corazón o seu cariño e constante colaboración para que estas actividades chegasen a ser o éxito que foron.
